Génesis 42:8 - La'aqtaqa Ñim Lo'onatac 'Enauacna 2013

⁸ Qaq na'aictaxa da so José ỹauatto'n soua lqaỹa't, qalaxaye soomaye saishet da ỹauatto'n somaye.

Génesis 42:8 Referans Kwoze

Juan 21:4

Qaq co'ollaq mashe yaqta'a da yo'oxoñi, nache So Jesús nachattañi neto'ot so loigue aso lapel, qalaxaye se'esoua lapaxaguenataqa saishet da ỹaỹate'n da nacheso Somaye.

Juan 20:14

Qaq co'ollaq choche 'enapec de'era, nache qaltaq namatasheguem. Nache ila'a So Jesús da nachattauo, qalaxaye saishet da ỹaỹaten da nacheso So Jesús.

Lucas 24:16

Qaq na'aictaxa da ilotro'ot Somaye, qalaxaye huo'o som 'eeta'am da npaxatta'agueta, da huo'omshe saishet da ỹauatto'n Somaye.

Génesis 37:2

Qaq 'era da na'aqtaguec soua llalqa so Jacob. So José co'ollaq ñaq nsoqolec, somaye mashe ivi' co'ollaxa soua diecisiete vi'iye da nachaalataxac, qaq ilotague' co'ollaxa aso qaguetapi, nnaictagueto soua lqaỹa't maye llalqa aso Bilá, qataq aso Zilpa, maye ỹaqaugalo lhua't so lta'a. Nache so José da'aqtaxaata'am naxa so lta'a da qauem lataxa'c soua lqaỹa't.

Génesis 41:46

Qaq so José mashe ivi' co'ollaxa soua treinta vi'iye da nachaalataxac, co'ollaq qaỹauegueua'a so faraón, som nta'a ye Egipto. Qaq so José co'ollaq ca'ai yem hueta'a so faraón, nache jec da nqo'onalo naua 'aleu' 'enauac ye Egipto.