Génesis 42:6 - La'aqtaqa Ñim Lo'onatac 'Enauacna 2013

⁶ Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Génesis 42:6 Referans Kwoze

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Génesis 45:26

Qaq co'ollaq da'aqtaxaarem so Jacob da so José ñaq nca'altauec, qataq nacheso so ilotague' 'enauac ye Egipto, nache so Jacob sa ỹaỹaten ca 'eetec qataq cam la'aqtac, cha'aye somaye sa ỹa'amaqten de'era qaỹa'aqtaxaateguem.

Génesis 45:8

Qaq nacheñi Ñim Lo'onatac 'Enauacna Ñim aỹem namaxa co'ollaxa ne'ena 'alhua, qaq saishet da nacheqami'. Ñimaye aỹem ỹanagui da aỹem ltaua ñi faraón, qataq da selo'ogue ñi lma', qataq nataqa'en aỹem ỹanagui da selo'ogue 'enauac na 'alhua Egipto.

Génesis 44:14

Qaq so Judá qataq soua lqaỹa't co'ollaq ivildeua'a so lma' so José, nache somaye ñaq hueta'a so lma'. Qaq huaña, nache soomaye ỹa'alyiñi naua l-llecte, nache iviraxata'agueta naqa'en naua lata'api na 'alhua.

Génesis 19:1

Qaq co'ollaq mashe napaltapiguiñi nache soua dos namaxa'she piguem lashe' ivildeua'a so huaqta'a't nỹecpi ye Sodoma. Qaq so Lot nso'ootañi co'ollaxa, netaña so ñegueuo se'eso huaqta'a't nỹecpi, som laponqa' naxa 'enauac na shiỹaxauapi. Qaq co'ollaq ila'agueta soomaye, nache ñesheguem da nqo'onegueta. Qaq co'ollaq iviregueta, nache ỹa'alyiñi naua l-llecte, nache iviraxata'aguet na latap na 'alhua,

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Génesis 33:3

Ime, nache so Jacob hua'aua'ague da taỹa'ague somayepi, nache siete da ỹe'eguelaxalec da ỹa'alyiñi naua l-llecte, qataq iviraxata'aguet naqa'en na latap na 'alhua, choche ivitta'a da saqaỹapeque naqa'en so lqaỹa.

Génesis 41:43

Qaq ime, nache so faraón inotaxanaxaangui aso naigona maye ca'attaueegue naxa aso lalamaqte somaye, huaña nache damaxasoxoolec da qaỹa'alaqtalec da tata'ague somaye, qoỹeeta': «¡Ña qauauachiigue ca llec!» Qaq 'era da 'eetec so José co'ollaq qoỹanem da ilo'ogue 'enauac ye 'alhua Egipto.

Génesis 48:12

Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.

1 Samuel 20:41

Qaq co'ollaq mashe ỹoxogue so namaxashec, nache so David nnoxonec, chegoqteua'a so nqañoxotaqa', nache tres da ỹa'alyiñi naua l-llecte qataq ỹataqta iviraxata'aguet naqa'en na latap na 'alhua. Ime, nache napigoqtega't, qataq nỹeeta'a't, choche ivitta'a da nmitchiguem da nnoinaxac so David.

Proverbios 11:26

Qaq ca imattega't na ala na trigo, qalaq na shiỹaxauapi isheuen camaye, qaq ca imen namaye qalaq qaichoxoren.

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

Génesis 41:54

nache qaltaq nvildeuo soua siete vi'iye maye huaiguilo da nhuenaxanaxa, qaq ipacchigui da 'enapec co'ollaxa so José. Nache huo'o co'ollaxa so nqouaxa 'enauac na 'alhuapi, qaq chaqyeta ye Egipto da huo'o na nallec.

Génesis 41:57

Qaq 'enauac som hueta'a nam laỹepi 'alhuapi naỹa co'ollaxa ye Egipto da desheenaxana na trigo maye lmenec so José, cha'aye qaica ca lỹa 'alhua da huaña na nallec.