Génesis 42:5 - La'aqtaqa Ñim Lo'onatac 'Enauacna 2013

⁵ Nache soua llalqa so Israel, huo'o so nnaictague' laỹepi maye nataqa'en jec da nmen, cha'aye 'enauac ye 'alhua Canaán huo'o so nqouaxa.

Génesis 42:5 Referans Kwoze

Hechos 7:11

Qaq co'ollaq qaỹata'ague, nache anac so nqouaxa, nache ỹataqta qalota da nachoxoyec ye 'alhua Egipto qataq ye 'alhua Canaán. Nache som qarta'alpi qaica ca aloq qataq qaica ca ỹachegoxota'ague da desheenaxanaique.

Génesis 41:57

Qaq 'enauac som hueta'a nam laỹepi 'alhuapi naỹa co'ollaxa ye Egipto da desheenaxana na trigo maye lmenec so José, cha'aye qaica ca lỹa 'alhua da huaña na nallec.

Génesis 12:10

Qaq se'eso na'a'q, huo'o co'ollaxa so lta'araic nqouaxa 'enauac yi'iye 'alhua. Nache so Abram jec, nqo'ona ye Egipto da cara'acolec da naña, cha'aye qaica ca qanallec yem 'alhua maye netaña co'ollaxa.

Génesis 26:1

Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Hechos 11:28

Qaq huo'o so 'oonolec soomaye, le'enaxat Agabo. Somaye nachaañi co'ollaq huetaigui so nqaỹañecpi, nache So Saqcha'a Na'añaxac Qui'itta ỹa'aqtaxanaxanec somaye da huo'o qome ca lta'araic nqouaxa ana 'alhua. Qaq de'era la'aqtaxanaxac ipacchigui, huetoiguilo soua vi'iye co'ollaq lta'a na nta'alpi ye Roma so le'enaxat Claudio.

2 Samuel 21:1

Qaq nache huetoigui de'era lo'onataxanaxac da nta'a so David, da huo'o co'ollaxa so nqouaxa soua tres vi'iye. Nache so David, inat Ñim Nataxala', qaq Ñim Nataxala' 'enapeco': «Qomye souaxat so Saúl qataq so llalaqpi da ỹalauat co'ollaxa so gabaoniitapi, nache nagui huo'o ne'ena nqouaxa.»

Génesis 41:54

nache qaltaq nvildeuo soua siete vi'iye maye huaiguilo da nhuenaxanaxa, qaq ipacchigui da 'enapec co'ollaxa so José. Nache huo'o co'ollaxa so nqouaxa 'enauac na 'alhuapi, qaq chaqyeta ye Egipto da huo'o na nallec.