Génesis 42:36 - La'aqtaqa Ñim Lo'onatac 'Enauacna 2013

³⁶ Qaq huaña, nache so Jacob 'enapegalo soua llalqa, 'eeta': «Qami' mashe huotaique da qaica qanqa'eñi ca ỹalec. So José mashe saishet da qomi' ỹalectaiguilo, qataq ca Simeón. ¡Qaq nagui qataq huotaique da qauotaxañic ñi Benjamín! ¡Qaq de'era qauem 'enauac da aỹem tateguelec!»

Génesis 42:36 Referans Kwoze

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

1 Corintios 10:13

Da qañe'eguenataguiiqui maye qami' nvittegalo, damaye nachera da 'eeta'am da ñe'eguenataguec na 'enauac shiỹaxauapi. Qalaxaye qami' ishet da qaupi'iỹa'ai Ñim Lo'onatac 'Enauacna, cha'aye Ñimaye saishet da qami' ỹasheetema ca qañe'eguenataguiiqui da huo'otaq sa qanaloỹeeguet. Nachaqrata da huo'otaq nvi' ca qañe'eguenataguiiqui, nache Ñim Lo'onatac 'Enauacna qami' ỹachaxanalo ca lataxac da yaqto' ishet da qanaloỹa'aguet camaye.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Mateo 14:31

Nache So Jesús ỹaconeguet na lhuaq so Pedro. Nache 'enapega, 'eeta': –¡Pedro, 'am ỹataqta qapio'olec da 'arpi'iỹaxac Aỹem! ¿Ta'ainco' ye 'auqolectaxan?

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Isaías 38:10

Da iuennataxac, 'eeta': Aỹem mashe sootagui da ỹataqta no'on da ñachaalataxac qalaq iuen da ashec; aỹem qoỹenapega da saỹa ye lo'onataxanaqa' da nleuaxa da ñaqauo'o da ica'alaxa.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Eclesiastés 7:8

Ỹactec da ỹaỹamaqchiguiñi da imeta qanqa'en cam qaỹo'ot, qaq saq 'ena'am cam chegoqchiguiña co'ollaq qaỹacoolec. Ỹactec da no'on da hualaxaunaxac, qaq saq 'ena'am da 'amqaanaxac.

Da na'aqtaguec so Job 7:7

'Am Ñatamnaxala', 'auennata'a qome, da de'era ñachaalataxac da 'eeta'ama naua na'a'che da qanauecta'ape. Nache naua ỹa'ai'te sa lỹa da ỹauachiguilo ca ỹaỹamaqchiguiñi.

1 Samuel 27:1

Qaq so David deuennataxaataco', nache, 'eeta': «Yo'oqta da huo'o ca huaña ne'enaua na'axa'te, da so Saúl aỹem ỹalauat. Qaq ỹoqo'oye nagui no'on da ñeqo'ona da sonaña ye lma' ye filisteopi, yaqto' so Saúl aỹem ỹaxaañi qome da aỹem nmittaique ne'ena na'alhua na Israel le'ecpi, nache aỹem she'emaqtac qome.»

Salmos 34:19

Ca shiỹaxaua no'on da lataxac qalota na ivireguet qauempi, qalaxaye Ñim Nataxala' isoueeguesop 'enauac namayepi.

Génesis 47:12

Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.

Génesis 45:28

Qaq huaña, nache 'enapec: «¡Hua', 'eeso'oya' da mashe saỹaten ca ỹalec José da ñaq nca'altauec! Qaq aỹem ñeqo'ona qome camaye da yaqto' ñauane', nagui da saxanaxa da seleu.»

2 Corintios 4:17

Cha'aye naua qanque'eenaxaco nagui de'era qanachaalataxac, naamaye saq 'amaqtache qataq saqaỹaloq da inoxoore'c. Qaq qana'achec da nachenaua naua chegoqchiguilo naqa'en Ñim Lo'onatac 'Enauacna da ỹataqta qomi' nlaxatchiguilo da lta'araic ño'oxoyec maye qaica ca loga't.

Génesis 42:37

Nache so Rubén 'enapego' so lta'a, 'eeta': «No'on da 'auasheeta ñi Benjamín, qaq aỹem maiche selo'ogue qome. Qaq da huo'otaq saishet da 'am ñe'eguelaxata, nache 'am ishet qome da 'aualaua't ñeua dos ỹalqa.»

Jeremías 31:15

Ñim Nataxala' 'enapec: «Huo'o da qaỹa'aqtega na'alaxac chemaqtegueña ye Ramá, noinaxac maye ỹataqta daquicota. Qaq nachañi añi Raquel, nỹeeteguelec so llalaqpi, qaq saishet da ỹaỹamaxaren da qaicochaq, cha'aye mashe ileu 'enauac somayepi.»

Génesis 44:12

Nache so ilotague' so nma', nmichigui ñi 'oonolec soua nachoxonaxaqui', ỹa'auaxaachiguiñi so lachoxonaxaqui so nqaỹa ỹe, nache ivitta'a so na'asa. Qaq huaña, nache ilalec aso ỹomaxaqui huetagui so lachoxonaxaqui so Benjamín.