Génesis 42:27 - La'aqtaqa Ñim Lo'onatac 'Enauacna 2013

²⁷ Qaq co'ollaq ivitra so 'alhua maye huaña da nmatre'c se'eso pe, nache so 'oonolec soomaye ỹauaangui so lachoxonaxaqui da yaqto' iquia'axan so lalo 'ashena, nache ilalec aso maiche alom da huetangui na alap so lachoxonaxaqui.

Génesis 42:27 Referans Kwoze

Éxodo 4:24

Qaq co'ollaq ñaq queta so Moisés da taỹa'a ye Egipto, nache mashe ivita yem 'alhua maye huotaique da nmataqa' so pe, nache Ñim Nataxala' nqanaxatteguet somaye da ỹauotaique ỹalauat.

Lucas 10:34

Nache nqo'ona somaye, nache nataren so lque'emaxapi datannaxana na lli'i ana Oliva qataq so lataxa. Ime, qaq ỹauo'o so laxataxat. Qaq co'ollaq ime, nache ỹasaxalec so lalo 'ashena, nache ỹauegueua'a so nỹec maye nanataqa'. Huaña, nache ilotague'.

Lucas 2:7

ñiguiñi so la'auaxanec llalec. Qaq souaxat ye sa ỹanatra cam nỹec maye ishet da huera'a se'eso pe, nache soomaye huera'a so lma' na nlo shiguiỹacpi. Nache huaña yemaye co'ollaq ñiguiñi so llalec, nache aso María lpataxangui so lapo' hualoq laỹe. Ime, nache ỹachangui aso lquia'axaqui na shiguiỹacpi.

Génesis 44:11

Nache ñi 'oonolec soomaye sa ỹaỹaloxo'n da nqaayiñi soua lachoxonaxaqui'. Ime, nache ỹauanguilo.

Génesis 24:25

Ye qarma' huo'o ye ndaqa', qaq 'am ishet da 'anmataqa' na pe, nataqa'en huo'o na 'auaqpi, qataq na aloq naua cameello.»

Génesis 42:26

Qaq huaña, nache soomaye ỹachaleguete soua lalo 'ashena so trigo, nache je'c da ỹe'eguela'q.

Génesis 42:35

Qaq soomaye co'ollaq mashe iqui'itaxattapiguilo soua lachoxonaxaqui', nache ilaleguete soua laỹe'tole aso maiche alom, huetagui ñi 'oonolec soua lachoxonaxaqui', nache soomaye qataq so lta'a' ỹataqta huo'o da lcolanaqa'.

Génesis 43:18

Qalaxaye soomaye ỹataqta ñi'i' souaxat da qaỹauegalo so lma' so José. Nache 'ena'apo': «¡Yo'oqta da qomi' qanauegalo ne'ena souaxat aso qorom maye qomi' qaỹe'eguelaxatema soua na'axa'te lỹa't, asom huetaguilo soua qarachoxonaxaqui', qaq nagui yo'oqta da qomi' qaicogaxana'ape, nache qomi' qaỹo'onataxanaxa'n da choche qomi' nlataqa, qataq nataqa'en naua qarelo!»