Génesis 42:25 - La'aqtaqa Ñim Lo'onatac 'Enauacna 2013

²⁵ Qaq ime co'ollaxa, nache damaxasoxoolec da qaiỹoxoguilo na trigo soua lachoxonaxaqui', qataq da qaỹe'eguelaxatot ñi 'oonolec aso maiche alom, qaỹachanguilo soua lachoxonaxaqui', qataq damaxasoxoolec da qoỹanema soomaye ca aloq da huangui na nqa'aic. Qaq 'era da qoỹeetec.

Génesis 42:25 Referans Kwoze

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Génesis 45:21

Nache soua llalqa so Israel ỹo'o't dam qaỹamaxaleguete. Qaq so José, nache ỹanema soua naigonal, ipacchigui naqa'en da lamaxasoxonaxac so faraón, qataq ỹanema soomaye so aloq da huangui so nqa'aic.

Génesis 42:26

Qaq huaña, nache soomaye ỹachaleguete soua lalo 'ashena so trigo, nache je'c da ỹe'eguela'q.

Génesis 43:12

Qataq ỹactec qanqa'eñi aca qauache qo'omi, qataq qavi'iguelaxache qome aca qo'omi maye qami' qaỹe'eguelaxatoto co'ollaxa, cha'aye sa iuena'a da choche nsomaxac damaye.