Génesis 42:21 - La'aqtaqa Ñim Lo'onatac 'Enauacna 2013

²¹ qalaxaye detaqtega't co'ollaxa soomaye, nache 'eetra': «Ỹoqta 'eesa da ỹataqta sa ỹaỹamaxañi da so'otaxac so qarqaỹa, cha'aye somaye co'ollaq qomi' nachoxoreetapoiguilo da sechoxorenaq, qalaq qomi' saishet da sechoxorenaq, na'aictaxa da seloqtagui da huo'o da lhuogoxo. Qaq ỹoqo'oye nagui qaltaq qomi' taleguete de'era nhuogoxo.»

Génesis 42:21 Referans Kwoze

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

1 Juan 1:9

Qalaxaye da sa'aqtaxanaxam naua qarasouaxashe'ete Ñim Lo'onatac 'Enauacna, qalaq nataqa'en qolaqto'ot da qarpi'iỹaxac da Ñimaye maye no'on da lataxac, ishet da qomi' ichoxore'n qataq iỹouec 'enauac na sa ỹaỹamaxañisat maye so'otaqtac.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Hechos 19:18

Qaq nam ỹa'amaqten So Jesús, ỹa'axatem na shiỹaxauapi 'enauac nam qauem maye ỹo'otpi co'ollaq saxanaxa da da'amqaanataxan.

Lucas 16:28

da yaqto' da'aqtaxanema caua cinco ỹaqaỹa't, da caamaye da saishet da ỹaxaare'c da ỹo'ottrac da qauem, nache ishet nataqa'en da nvilda'a ne'ena que'eenaqa'.»

Marcos 9:48

qataq huetaña na qoche'l maye saishet da ileu, qataq cam norec maye saishet da qaỹalamat.

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 2:17

Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

2 Samuel 12:13

Nache so David, da'aqtaxanem so Natán, 'eeta': Aỹem, huo'o da ỹasouaxashet hueto'ot Ñim Nataxala'. Nache so Natán, 'enapeco': Ñim Nataxala', mashe ỹapalaxat da 'arasouaxashet, qaq saishet da 'aleu qome.

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Génesis 41:9

Qaq huaña nache so lataxala' so ỹomaxaqui lo'opi, 'enapego' so faraón, 'eeta': «Nagui, tachigui iuel da huo'o da so'ot sa ỹaỹamaxañi.

Jeremías 4:18

Dam 'arataxac qataq nam 'auo'otpi, nachena na ỹo'ot da 'am talec de'era, nam qauem maye 'auo'otpi nachena na 'am ỹaneguet de'era ỹataqta chem alaỹaxac qataq nachena na ique'emaqchet añi 'arquiyaqte.»

Génesis 45:3

Nache so José da'aqtaxanema co'ollaxa soua lqaỹa't, 'eeta': «Aỹem nachaỹem José. ¿Ña nca'altauec peta'a ca ita'a?» Qalaxaye soua lqaỹa't saỹañoxo't co'ollaxa da ỹasatreguet somaye, souaxat da ỹataqta lta'araic da lcolanaqa' da datatro'ot somaye.

Génesis 50:15

Qaq so Jacob co'ollaq mashe ileu, nache soua lqaỹa't so José deuennataxaata'ape, 'eeta': Nagui ñi José yo'oqta da qomi' nquiỹalo nache ipalaique lvi' souaxat da qauem maye so'otaxac co'ollaxa.

Génesis 44:16

Nache so Judá 'enapeco': «¿Hua'agom ca 'eetec ca qarasataxac da 'am sasataxaguet? ¿Qataq negue'tom ca qara'aqtac da shenaqpec da qaica ca sasouaxataq? Ye Ñim Lo'onatac 'Enauacna mashe ilalec da qarasouaxashet. Qaq nagui qomi' souaqta'a ne'ena, qaq ñañanaq da 'auauo'oi qomi' 'arlataqa, qarỹateuo dam hueto'ot aso ỹomaxaqui.»