Génesis 42:19 - La'aqtaqa Ñim Lo'onatac 'Enauacna 2013

¹⁹ da ỹoqta 'eesa da no'on da qarataxaqui, nache qano'onaxachiỹaigui añi ncoñetaxanaxaqui ca 'oonolec qarqaỹai. Qaq naua lỹa't qalaq je'c qome da ira'a na trigo ca llalaqpi, yaqto' deque'e.

Génesis 42:19 Referans Kwoze

Jeremías 37:15

Nache somayepi ỹataqta dalemataỹa co'ollaxa so Jeremías, nache damaxasoxoolec da qaiuaxan, qataq qaicoñe', qoỹanaigui so lma' so neraxanaxanec Jonatán, som qaỹo'otchigui co'ollaxa da ncoñetaxanaxaqui.

Isaías 42:22

qalaxaye ne'ena shiỹaxauapi ye mashe qaicachiỹot qataq qanhuotta, nache 'enauac namayepi da qaicoñe' qataq qaỹapoua'a qoỹanaigui ana ncoñetaxanaxaquipi, nache maiche qoỹoiqueetac namayepi nache qaica ca ishet da isouec, qataq qaicachiỹa nache qaica ca ishet da qaltaq nca'alaxatec.»

Isaías 42:7

Sauotaique da nauaañi 'anqa'en na qanamaicpi, qataq 'ausoueeguesop ana ncoñetaxanaxaquipi na ncoñeteguishecpi, qataq na ncoñeteguishecpi maye huetaigui na napalaxa.

Génesis 45:23

Qataq ỹamaxa so lta'a soua diez 'ashenal nlaqaaleguete nam ỹataqta no'on maye chegaqaña ye Egipto, qataq soua lỹa't diez 'ashenal nlaqaaleguete na trigo, qataq aso nauole qataq so nallec da yaqto' aloq so lta'a da huangui so nqa'aic da ivita da anac.

Génesis 42:26

Qaq huaña, nache soomaye ỹachaleguete soua lalo 'ashena so trigo, nache je'c da ỹe'eguela'q.

Génesis 41:56

Qaq yi'iye 'alhua co'ollaq mashe ỹaguec na nqouaxa, nache so José ỹauatoigui 'enauac so laỹe'pi na trigo da yaqto' imenot so Egipto le'ecpi, cha'aye se'eso nqouaxa nquictauec.

Génesis 40:3

nache icoñe't soomaye, ỹamaxalo so lma' som ilotague' so nhuataxauapi so nta'a, maye naña aso ncoñetaxanaxaqui. Qaq asomaye nachaso aso netaigui so José da qaicoñettai'.

Génesis 42:11

Qaq 'enauaque qomi' da 'oonolec ñi qarta'a, qataq qomi' no'on da qarataxac. Qaq sa ỹauano' da choche qomi' nmeenaxanaxanaqa.»

Génesis 42:18

Qaq so na'a'q tres, nache 'enapegalo' soomaye, 'eeta': «Aỹem huo'o da icolanaxa Ñim Lo'onatac 'Enauacna. Qaq ỹoqo'oye no'on da qauo'oche da ỹa'aqtac yaqto' qarca'alleeuec:

Génesis 42:20

Qaq ime qome, nache qanaviqui ca qarqaỹai na'asa, yaqto' saỹaanaq da ỹoqta 'eesa da qara'aqtaqui. Qaq qom saq 'en, nache qami' qaullivi.» Qaq soomaye ỹasa't,

Génesis 42:33

Nache ñimaye qomi' 'enapegalo, 'eeta': Hua', da yaqto' saỹaten da qami' 'eesora da no'on da qarataxaqui, nache no'on da qano'onaxachiỹañi ca 'oonolec qarqaỹai. Qaq qami' qalaq qoqui qome, qauache na trigo da yaqto' deque'e ca qaỹa'alquipi.