Génesis 41:52 - La'aqtaqa Ñim Lo'onatac 'Enauacna 2013

⁵² Qaq so dalaxaic llalec qalaq ỹanagui da le'enaxat Efraín, cha'aye 'enapeco': «Ñim Lo'onatac 'Enauacna aỹem ỹanem da huo'oi naua ỹalqa, huaña ne'ena 'alhua maye huaña da ñeque'eenaxac.»

Génesis 41:52 Referans Kwoze

Génesis 49:22

Qaq da José, qalaq 'eeta'am aca nañiguishe maye neto'ot na loigue ca 'etaxat, maye ỹataqta qalota ana ala, qataq ana lcoue nqapeguelec ca npaqtaxanaxat.

Génesis 50:23

nache iviralec da ỹauaachigui so llalaqpi so laualpi so Efraín. Nataqa'en ivira'a da ỹaconeguet da ỹalecnoigui so lalamaxat llalaqpi som llalaqpi so laual Maquir, som llalec so Manasés.

Génesis 17:6

Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Amós 6:6

Qataq da qanỹomiigui na lataxa qalaq ỹataqta late'el naua qanỹomaxaquilli', qataq qancoyeetapigui na coraxat maye ỹataqta no'on da laitaỹaxac, qaq nache qaica ca qarhuogoqoi da nlaguiñi ne'ena 'alhua.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Génesis 41:51

Qaq so la'auaxanec llalec ỹanagui da le'enaxat Manasés, cha'aye 'enapeco': «Ñim Lo'onatac 'Enauacna ỹo'ot da secoua'ai 'enauac so ñeque'eenaxac, qataq 'enauac ca ihuo' le'ecpi.»

Génesis 41:53

Qaq co'ollaq inoxoorec soua siete vi'iye maye huaiguilo da qaica ca qaiueetac yem 'alhua Egipto,

Génesis 48:1

Qaq co'ollaq qaỹata'ague de'era, nache qaỹa'aqtaxanem so José da so lta'a ỹataqta sa no'on. Huaña nache so José jec da nqo'ona somaye, nache ỹaue'c soua dos llalqa Manasés qataq so Efraín.

Génesis 48:14

Qalaxaye so Israel co'ollaq ỹashel-leguete soomaye, nache nmena't naqa'en naua lhua'q, nache na aloiguishec lhuaq ỹashel-lec naqa'en na lqaic so Efraín som na'asa, qaq na lhuaq ne'emaxashec qalaq ỹashel-lec naqa'en na lqaic so Manasés, qaq na'aictaxa da somaye nacheso so ỹe.

1 Samuel 1:20

Huaña, nache aso Ana hualaxai, qaq co'ollaq ivita so laloqo' da deco'o, nache ỹale so llalec, nache ỹanagui da le'enaxat Samuel, cha'aye asomaye 'enapeco': «Seỹaxanot co'ollaxa Ñim Nataxala'.»

Génesis 48:5

Qaq nagui naua 'aỹa'alqa Efraín qataq Manasés, maye lañoqo't na Egipto co'ollaq saxanaxa da ñevita ne'ena 'alhua, naamaye maiche ỹalamaqa'ate ỹalqa. Naamaye ỹataqta ỹalamaqa'ate 'eeta'ama so Rubén qataq so Simeón.

Números 26:28

Qaq so José, 'eso so ỹataqtac llalaqpi, maye chegoxogueta so Manasés qataq Efraín.

Josué 14:4

Qaq so chegoxoguetpi so José, qalaq ncolaraxache co'ollaxa dos soua lpa'axaco, som chegoxoguetpi so Manasés qataq so Efraín, qaq so leviitapi qalaq qaica ca taỹot 'alhua nachaqsota so huaqta'a't nỹecpi da yaqto' naigui, qataq so no'onaxapi da yaqto' lquia'aqa' aso lalo huacapi qataq aso qaguetapi.

Josué 16:4

Qaq 'eso som 'alhuapi maye qoỹanem da lalamaxat so maiche nhuo' le'ecpi maye chegoxoguetpi so Manasés qataq so Efraín, som llalqa so José.

Josué 17:1

Qaq 'ena na 'alhuapi maye taỹot so maiche nhuo' le'ecpi maye chegoxoguetpi so Manasés, som ỹe llalec so José. Qaq so Maquir som ỹale maye ỹataqta alaataxaic, som llalec ỹe so Manasés, somaye nache lta'a so Galaad, qaq somaye taỹot ye 'alhua Galaad, qataq ye Basán maye pa'aỹa'ague da nala' lliguisheguem so tala Jordán.