Génesis 41:51 - La'aqtaqa Ñim Lo'onatac 'Enauacna 2013

⁵¹ Qaq so la'auaxanec llalec ỹanagui da le'enaxat Manasés, cha'aye 'enapeco': «Ñim Lo'onatac 'Enauacna ỹo'ot da secoua'ai 'enauac so ñeque'eenaxac, qataq 'enauac ca ihuo' le'ecpi.»

Génesis 41:51 Referans Kwoze

Salmos 30:5

Cha'aye da layeloxo Ñimaye sa qaỹauec, qalaxaye da no'on ltaunaxanaxac ivittec naqa'en da achaalataxac. Cha'aye da huo'o da noinaxac ye pe, qalaxaye ye lỹa na'a'q qaltaq huo'o da namaicỹaxac.

Proverbios 31:7

yaqto' da nỹom nache icoua'ai da lachoxoyec, qataq saishet da ntoonec da nque'eenaxac.

Salmos 30:11

Cha'aye da ñenoinaxac nmeneguet 'anqa'en da ỹasotaxac, qataq 'anqa't soua ỹasouaxaqui' aỹogo nache aỹem 'aỹa'anguilo soua no'o'n aỹogo.

Deuteronómio 33:17

Qaq da lyacỹaxac so José qalaq 'eeta'am ca la'auaxanec llalec ca huaca, qataq da la'añaxac 'eeta'am da la'añaxac naua lcoue ca no'onaxa le'ec huaca, qaq nache iroleguete qome da decanaxangui na ỹotta'a't shiỹaxauapi, ivitta'a naqa'en naua qaỹoqtalo 'aleu'. Qaq namayepi nachena na qalota llalaqpi so Efraín, qataq na qalota llalaqpi so Manasés.»

Génesis 41:30

Qaq qom ime, qaltaq ana'c caua siete vi'iye maye huaiguilo ca lta'araic nqouaxa. Huaña qome nache qaica ca ntooneque caua vi'iye maye huaiguilo da qaica ca qaiueetac na 'alhua Egipto. Cha'aye que'eca lta'araic nhuenaxanaxa, ỹataqta na'aqchet qome ne'ena 'alhua.

Isaías 65:16

Qaq camachaqca ca netalec ne'ena 'alhua, da iỹaxanaique ca nchoxonnataguec, qalaq iỹaxanot Ñim Lo'onatac 'Enauacna maye hueto'ot da 'eesa; qataq camachaqca ca netalec ne'ena 'alhua da ỹan ca la'aqtac qaq ỹanot Ñim Lo'onatac 'Enauacna maye ipacchigui ca la'aqtac. Qaq nam hua'au que'eenaxacpi qalaq qaicoua'ai qome nache saishet qome da qaltaq sela'a.

Isaías 57:16

Qaq saishet qome da nache shecto'ot da sheetega huo'o ca lasouaxashet na ỹalamaxat nhuo' le'ecpi, qataq saishet qome da nache 'eetai' da senotac, cha'aye da sheetec de'era nache nam shiỹaxauapi maye so'ot co'ollaxa ishet da deqat da na'añaxataxac da aỹem nachatto'ot.

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

Génesis 48:5

Qaq nagui naua 'aỹa'alqa Efraín qataq Manasés, maye lañoqo't na Egipto co'ollaq saxanaxa da ñevita ne'ena 'alhua, naamaye maiche ỹalamaqa'ate ỹalqa. Naamaye ỹataqta ỹalamaqa'ate 'eeta'ama so Rubén qataq so Simeón.

Génesis 41:50

Qaq co'ollaq saxanaxa da nvildeuo soua vi'iye maye huaiguilo da nhuenaxanaxa, nache so José mashe dos soua llalqa aso lhua Asenat.

Génesis 41:52

Qaq so dalaxaic llalec qalaq ỹanagui da le'enaxat Efraín, cha'aye 'enapeco': «Ñim Lo'onatac 'Enauacna aỹem ỹanem da huo'oi naua ỹalqa, huaña ne'ena 'alhua maye huaña da ñeque'eenaxac.»

Génesis 48:1

Qaq co'ollaq qaỹata'ague de'era, nache qaỹa'aqtaxanem so José da so lta'a ỹataqta sa no'on. Huaña nache so José jec da nqo'ona somaye, nache ỹaue'c soua dos llalqa Manasés qataq so Efraín.

Josué 14:4

Qaq so chegoxoguetpi so José, qalaq ncolaraxache co'ollaxa dos soua lpa'axaco, som chegoxoguetpi so Manasés qataq so Efraín, qaq so leviitapi qalaq qaica ca taỹot 'alhua nachaqsota so huaqta'a't nỹecpi da yaqto' naigui, qataq so no'onaxapi da yaqto' lquia'aqa' aso lalo huacapi qataq aso qaguetapi.

Josué 17:1

Qaq 'ena na 'alhuapi maye taỹot so maiche nhuo' le'ecpi maye chegoxoguetpi so Manasés, som ỹe llalec so José. Qaq so Maquir som ỹale maye ỹataqta alaataxaic, som llalec ỹe so Manasés, somaye nache lta'a so Galaad, qaq somaye taỹot ye 'alhua Galaad, qataq ye Basán maye pa'aỹa'ague da nala' lliguisheguem so tala Jordán.

1 Samuel 1:20

Huaña, nache aso Ana hualaxai, qaq co'ollaq ivita so laloqo' da deco'o, nache ỹale so llalec, nache ỹanagui da le'enaxat Samuel, cha'aye asomaye 'enapeco': «Seỹaxanot co'ollaxa Ñim Nataxala'.»

Números 26:28

Qaq so José, 'eso so ỹataqtac llalaqpi, maye chegoxogueta so Manasés qataq Efraín.

Da na'aqtaguec so Job 11:16

Huaña, nache 'aucoua'ai da 'anque'eenaxac, qaq da 'auennate damaye, qalaq 'eeta'am 'anqa'en ca 'etaxat maye mashe ỹoxogue.