Génesis 41:44 - La'aqtaqa Ñim Lo'onatac 'Enauacna 2013

⁴⁴ Qaq huaña nache so faraón 'enapega so José, 'eeta': «Na'aictoxo' da aỹem, nachaỹem faraón, qalaxaye qaica qome ca 'oonolec shiỹaxaua ne'ena 'alhua Egipto, da hua'aualec da ỹo'ot ca sa 'auamaxalec.»

Génesis 41:44 Referans Kwoze

Salmos 105:22

Qataq ỹanem da ỹapaxaguen so nataxala'pi, qataq da ỹapaxaguenec da naỹaanec so nqueroxonecpi.

Éxodo 11:7

Qataq yaqto' qami' ishet da qauaỹaañita da Ñim Nataxala' ỹataqta iỹotauga na Egipto le'ecpi qataq na Israel le'ecpi, qaq saishet qome da huo'o ca 'oonolec pioq da ito'oguet ca shiỹaxaua na Israel le'ecpi, huo'otaq ca shiguiỹac.

Génesis 41:43

Qaq ime, nache so faraón inotaxanaxaangui aso naigona maye ca'attaueegue naxa aso lalamaqte somaye, huaña nache damaxasoxoolec da qaỹa'alaqtalec da tata'ague somaye, qoỹeeta': «¡Ña qauauachiigue ca llec!» Qaq 'era da 'eetec so José co'ollaq qoỹanem da ilo'ogue 'enauac ye 'alhua Egipto.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.