Génesis 41:42 - La'aqtaqa Ñim Lo'onatac 'Enauacna 2013

⁴² nache so faraón nqat aso nchiguishaqte maye la'anaxanaqte maye netagui ana llaxaata, nache ỹanagui ana llaxaata so José. Ime, nache damaxasoxoolec da qoỹanaxanaxanguilo soua anogo maye chegaqaiguilo na lino, qataq qanqolanaxanaxaaña so nqolac oro.

Génesis 41:42 Referans Kwoze

Daniel 5:29

Qaq hauaña nache so nta'a Belsasar, saỹaỹaloxon da damaxasoxoolec da qoỹanaxanaxanguilo so Daniel soua anogo maye tocaleguete da lo'oxoỹaxa'c, qataq ỹaañi qanqa'en so nqolac oro, nache so nta'a ỹa'axatem 'enauac som hueta'a yi'iye qanayeeta'a, da nacheso se'eso na'a'q da so Daniel, qoỹanagui da ltaua so nta'a.

Daniel 5:7

Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac.

Ester 3:10

Qaq huaña nache so nta'a, nqat aso nchiguishaqte nache ỹanem so Amán, som npa'aguenaxaua so judiopi,

Daniel 5:16

Qalaxaye aỹem ỹa'axaỹaxac da 'am 'aushet da 'auaỹaten cam saishet da qaỹaỹaten, qataq da 'auaỹamaxaañi cam huo'o da lqalaic. Qaq 'am da 'aushet da 'autaxaỹaxan yi'iye na'aqtac, qataq da aỹem 'aua'axatem cam naigui, nache so'ot qome da 'am qoỹanaxanaxanguilo caua anogo maye tocaleguete da lo'oxoỹaxa'c, qataq 'anqolaaña qanqa'en ca nqolac oro, qataq 'am itaua qome de'era ỹo'onataxanaxac.

Ester 8:2

Qaq huaña nache so nta'a, nqat aso chiguishaqte maye hueto'ot co'ollaxa so Amán, nache ỹanem so Mardoqueo. Qaq aso Ester qalaq ỹanem so Mardoqueo da ilo'ogue 'enauac som logoxoshetpi co'ollaxa so Amán.

Ester 8:15

Qaq so Mardoqueo pa'auec co'ollaxa chegoqtoigui so lma' lta'araic so nta'a, ỹaatañi aso lapoto da nta'a, maye malaxarai qataq lapagaxai da lo'oxoỹaxac, qataq aso late'erai naro'o maye oro, qataq so lapo' maye chegaqaigui so lino, qataq so togaxaraic da lo'oxoỹaxac. Nache 'enauac so shiỹaxauapi maye hueta'a so huaqta'a't nỹecpi ye Susa, ỹataqta ỹa'alaqtagui souaxat da ntonaxac,

Ester 8:10

Qaq aso nerepi nanettalec qanqa'en so le'enaxat so nta'a Asuero, qaq co'ollaq ime da qaitoqoolec aso la'anaxanaqte so nta'a nache qaỹamaq, ỹache qanqa'en so ỹalleppi maye netalec so caipi, maye ỹataqta qayaqaicpi maye chegaqaigui so lalopi so nta'a.

Ezequiel 27:7

Qaq so 'araỹoxonaqtac maye huo'o na llo'oxoraxatpi qalaq chegaqaigui na lino maye chegaqa'a ye Egipto, qaq somaye nache nataqa'en 'ara'anaxanaqte, qaq som 'arpe'l malaxaraic qataq togaxaraic da lo'oxoỹaxac qalaq qaỹachegoxota'a co'ollaxa ye loigue ye Elisa.

Cantares 1:10

¡Ỹataqta 'onaxail naua 'aramelque da 'aỹa'aatrañi naua 'arshete! ¡Ỹataqta 'onaxaic na 'arqosot da 'aỹa'aatañi ana 'arqolapi maye chegaqaigui na conec!

Proverbios 31:24

Maiche ỹo'ottac na nogoxotpi qataq na saataxaquipi, ime, nache imenot na nmenaxaicpi.

Proverbios 31:22

Na lapo'pi qalaq maiche lo'onatac, na no'otaxat qalaq ndotec na no'on tocalec da lo'oxoỹaxac qataq na no'on lino.

Ester 8:8

Qaq nagui qami' samaxaleguete da qauauo'oi ca qa'iyiiñi qara'aqtaqui nache nanettalec qanqa'eñi da ỹe'enaxat, cam ỹataqta ỹaỹamaqchiguiñi qanqa'eñi da taalec na judiopi. ¡Nache aca'aca nere, qautoqñiilec aca ỹa'anaxanaqte! Qaq aca nere da huetalec da le'enaxat ca nta'a, qataq da qaitoqootalec aca la'anaxanaqte, nache acamaye saishet da qanlaxaañi.

Ester 3:12

Qaq so na'a'q trece so la'auaxanec ca'agoxoic se'eso vi'i, nache qaiỹaxaneuga so leraxanaxanecpi so nta'a, nache somayepi ỹeyiñi so lamaxasoxonaxac so Amán maye taỹa'a so nta'alpi maye ilotague' so 'alhuapi qataq som lataxala'pi som hueta'a so 'alhuapi. Qaq se'eso namaxasoxonaxac nanettalec da naneraguec, qataq naua lalamaqa'ate la'aqtaqa som netalec so 'alhuapi qataq so nhuo' le'ecpi maye qaỹamaxa, qataq nanettalec so nta'a Asuero qataq itoqootalec aso la'anaxanaqte,

Lucas 15:22

Qalaxaye so lta'a 'enapega so lamaxashecpi, 'eeta': ‹Sa qanaỹaloxoñi qome da qanqacheere'c caua no'o'n anogo. Ime, qaq qano'otaxanaxañi qataq qa'añiỹaigui ana llaxaata aca chiguishaqte qataq qauauo'oi caua lapela'ate.

Proverbios 1:9

cha'aye 'eeta'ama ca 'onaxaic 'ano'otaxat: 'eeta'am aca ỹataqta 'onaxai nqola, huo'otaq ca 'onaxaic llo'oxoraxat na 'arqaic.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.

Génesis 38:18

Nache so Judá, 'enapeco': «¿Negue't cam 'auauotaique da 'am ño'onaxato'ot?» Nache asomaye 'enapeco': «Aỹem 'aỹa'anem añi 'ara'anaxanaqte, lỹaueegue' 'anqa'en na lquet, qataq ana 'arashelte, maye 'anasoqta'a.» Nache so Judá, ỹanema asomaye, ime nache lauañi' asomaye nache hualaxai naqa'en.

Génesis 41:43

Qaq ime, nache so faraón inotaxanaxaangui aso naigona maye ca'attaueegue naxa aso lalamaqte somaye, huaña nache damaxasoxoolec da qaỹa'alaqtalec da tata'ague somaye, qoỹeeta': «¡Ña qauauachiigue ca llec!» Qaq 'era da 'eetec so José co'ollaq qoỹanem da ilo'ogue 'enauac ye 'alhua Egipto.

1 Samuel 18:4

Nache so Jonatán nqata'ai so ỹachetac lapo', nache ỹanem so David, qataq soua lỹa't alogo maye ỹaatrañi, nache caueegue' naqa'en so lainec, lchecnec, qataq so nsaataxaqui.

Salmos 73:6

Qaq ỹoqo'oye da ño'oxonnaxac 'eeta'am da nqolaataña aca nqola, qataq da qaica ca iren 'eeta'am naqa'en aca lapoto.

Cantares 4:9

'Am ỹaqaỹole, maye 'am ñauonaxaua, ỹataqta 'anaueguela't añi iquiyaqte, so choche 'oonolec da aỹem 'auamata'a, qataq can choche sela'a so lquet aso 'arqola.

Jeremías 52:33

Qataq 'enapega da nqa't soua ỹaatrañi maye alogo ca ncoñeteguishec, qataq da nache lquia'axaua so nta'a 'enauaque naua na'axa'te da nachaalataxac.

Isaías 3:23

qataq ana tannaxaipi, qataq na no'on hualoq laỹepi, qataq na nqaic laxataxatpi, qataq na npo'piolec.