Génesis 41:41 - La'aqtaqa Ñim Lo'onatac 'Enauacna 2013

⁴¹ Qaq ña 'aulochigui nagui da 'am sanem da 'aulo'ogue 'enauac na 'alhua Egipto.» Qaq co'ollaq 'enapec de'era,

Génesis 41:41 Referans Kwoze

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Daniel 6:3

qaq somaye ỹataqta saqaỹaloq da yo'oq, da saq 'ena'ama soua lỹa't maye qoỹanema da nauaatalec so nta'alpi, souaxat da ỹataqta ỹaanaxanaxaic, qaq ỹoqo'oye so nta'a, lhuennataxac co'ollaxa da ỹanem da lo'onataxanaxac somaye da ilo'ogue ye 'alhua.

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Proverbios 22:29

Ca shiỹaxaua ỹaỹamaxatchiguiñi ca lo'onataxanaxac, nache camaye ivitta'a da do'onataxanot na nta'alpi, qataq saishet da na'aco' ca qaica la'amaqchec.

Proverbios 17:2

Ca nlatac sanqalat ivitta'a da ỹamaqtac ca ñalec maye saỹalaq, qataq camaye ivitta'a da nhuanaua'a na lalamaxatpi na lqaỹañecpi so saỹalaq.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.

Génesis 41:44

Qaq huaña nache so faraón 'enapega so José, 'eeta': «Na'aictoxo' da aỹem, nachaỹem faraón, qalaxaye qaica qome ca 'oonolec shiỹaxaua ne'ena 'alhua Egipto, da hua'aualec da ỹo'ot ca sa 'auamaxalec.»

Génesis 39:22

ỹoqo'oye ipataxalec da ilo'ogue 'enauac so ncoñeteguishecpi. Qaq so José nacheso som damaxasoxoolec naxa da huo'o na qaỹo'ot da huaña yemaye,

Génesis 39:5

Qaq nache chegoqchiguiña se'eso na'a'q, co'ollaq so Potifar ipataxalec so José da ilo'ogue so lma', qataq 'enauac som logoxoshetpi, da Ñim Nataxala' ỹasaxalec da lchoxonnataxanaxa so Potifar, som hueta'a so lma', qataq som huetauga so no'onaxa.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Salmos 105:21

Huaña nache ỹanagui da nataxala' da yaqto' ilo'ogue so lma' somaye, qataq da ilo'ogue 'enauac nam lalamaxatpi somaye.

Eclesiastés 4:14

Qaq na'aictaxa da chegaqaigui aca ncoñetaxanaxaqui cam inoxoneuo da nta'a, huo'otaq da chegoqtoigui da lachoxoyec da inoxoneuo da nta'a.

Génesis 45:8

Qaq nacheñi Ñim Lo'onatac 'Enauacna Ñim aỹem namaxa co'ollaxa ne'ena 'alhua, qaq saishet da nacheqami'. Ñimaye aỹem ỹanagui da aỹem ltaua ñi faraón, qataq da selo'ogue ñi lma', qataq nataqa'en aỹem ỹanagui da selo'ogue 'enauac na 'alhua Egipto.

Daniel 2:48

Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.