Génesis 41:39 - La'aqtaqa Ñim Lo'onatac 'Enauacna 2013

³⁹ Nache so faraón 'enapego' so José, 'eeta': «Ỹataqta qaica ca ỹactec da ỹaanataxanaxaic qataq ỹaanaxanaxaic da 'eeta'am 'am, cha'aye Ñim Lo'onatac 'Enauacna 'am ỹaỹaanaxanaxanec 'enauac de'era.

Génesis 41:39 Referans Kwoze

Génesis 41:33

Qaq ỹoqo'oye 'am nta'a, no'on da 'anmitaique qome ca ỹale maye ỹataqta ỹaanataxanaxaic qataq ỹaanaxanaxaic, da yaqto' pa'aỹa'aguet da ilo'ogue ne'ena 'alhua.

Génesis 41:28

Qaq 'era da ỹa'aqtaxanaxac 'am nta'a: Ñim Lo'onatac 'Enauacna, 'am ỹachaxana dam ỹauotaique ỹo'ot Ñimaye.

Génesis 41:25

Nache so José ỹasateguet so faraón, 'eeta': «'Am nta'a, soua dos 'archoxonaxaco, soomaye 'eeta'a't da naigui. Ñim Lo'onatac 'Enauacna, 'am ỹaỹaanaxanaxanec da huotaique da ỹo'ot Ñimaye.

Génesis 41:16

Nache so José 'enapeco': «Damaye saishet da nachaỹem chegoqchigui. Qalaxaye 'am nta'a, Ñim Lo'onatac 'Enauacna, 'am ỹanem qome ca lasataxac maye ỹo'ot ca 'araỹamaxa.»

Isaías 19:11

¡Qami' nataxala'pi na Soán, ỹataqta qaica ca qauaỹaañiỹapec, nam ỹaanaxanaxaicpi maye chegoqtecot na nqataxacpi ye Egipto, namayepi ỹataqta 'eesa da qaica ca ỹaỹaanapec! ¿Ca 'eeteco' da ishet da qoñiỹapega co'ollaxa ñi faraón da, qoñiita': «Qomi' sachegoxosoxoguet so ỹaanaxanaxaicpi, qataq som hua'au nta'alpi co'ollaxa?»

Daniel 2:11

'Am nta'a, dam 'auỹaxaataique, damaye ỹataqta huo'o da lqalaic, qaica ca ishet da ỹa'axat, nachenata nam atamnaxala'pi. ¡Qalaxaye namayepi ye saishet da ỹalectaigui nam shiỹaxauapi!

Daniel 2:48

Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.

Esdras 7:25

Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Proverbios 12:8

Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.