Génesis 41:30 - La'aqtaqa Ñim Lo'onatac 'Enauacna 2013

³⁰ Qaq qom ime, qaltaq ana'c caua siete vi'iye maye huaiguilo ca lta'araic nqouaxa. Huaña qome nache qaica ca ntooneque caua vi'iye maye huaiguilo da qaica ca qaiueetac na 'alhua Egipto. Cha'aye que'eca lta'araic nhuenaxanaxa, ỹataqta na'aqchet qome ne'ena 'alhua.

Génesis 41:30 Referans Kwoze

Génesis 47:13

Qaq mashe qaica ca hua'ague yi'iye 'alhua ca huo'o na trigo, nache na nqouaxa ỹataqta nquictauec. Qaq 'enauac na hueta'a ye Egipto qataq ye Canaán da ilem na lqouaxa.

Génesis 41:54

nache qaltaq nvildeuo soua siete vi'iye maye huaiguilo da nhuenaxanaxa, qaq ipacchigui da 'enapec co'ollaxa so José. Nache huo'o co'ollaxa so nqouaxa 'enauac na 'alhuapi, qaq chaqyeta ye Egipto da huo'o na nallec.

Santiago 5:17

Saloqnaxana so la'aqtaxanaxanec Ñim Lo'onatac 'Enauacna le'enaxat Elías. Somaye da lataxac ỹataqta 'eeta'ama qomi'; qalaxaye huo'o da lpi'iỹaxac co'ollaq nqouagaxaunot Ñim Lo'onatac 'Enauacna da yaqto' saishet da huo'o ca auot, nache ipacchigui da saishet da huo'o ca auot ana 'alhua, iviraxattre'c soua tres vi'iye, qataq so laiñi so lỹa vi'i.

Salmos 105:16

Nache Ñim Lo'onatac 'Enauacna ỹo'otec na lqouaxa 'enauac so netalec yi'iye 'alhua, qataq nlaxaañi 'enauac na lma'pi so trigo.

Lucas 4:25

Soua qaỹoqteguelo vi'iye co'ollaq ñaq nca'altauec so la'aqtaxanaxanec Ñim Lo'onatac 'Enauacna le'enaxat Elías, nache qaica ca auot soua tres vi'iye qataq soua seis ca'agoxoiqa, qaq na shiỹaxauapi, ilem na lqouaxa. Qaq na lma' na Israel le'ecpi qalota ana pa'aipi,

Isaías 65:16

Qaq camachaqca ca netalec ne'ena 'alhua, da iỹaxanaique ca nchoxonnataguec, qalaq iỹaxanot Ñim Lo'onatac 'Enauacna maye hueto'ot da 'eesa; qataq camachaqca ca netalec ne'ena 'alhua da ỹan ca la'aqtac qaq ỹanot Ñim Lo'onatac 'Enauacna maye ipacchigui ca la'aqtac. Qaq nam hua'au que'eenaxacpi qalaq qaicoua'ai qome nache saishet qome da qaltaq sela'a.

Proverbios 31:7

yaqto' da nỹom nache icoua'ai da lachoxoyec, qataq saishet da ntoonec da nque'eenaxac.

2 Reyes 8:1

So Eliseo 'enapega co'ollaxa aso 'alo, asom late'e so nogotolec maye ỹe'eguelaxa co'ollaxa da nca'alec naqa'en somaye, da asomaye qataq so llalaqpi taỹa ca lỹa 'alhua, cha'aye Ñim Nataxala', ỹa'axatta'a da huo'o ca ỹataqta lta'araic nqouaxa yi'iye 'alhua, huaiguilo caua siete vi'iye.

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

2 Samuel 24:13

Nache so Gad, nqo'ona so David, nache inat, 'eeta': «¿Negue't ca 'alca'ateua'a ne'enaua tres: Peta'a 'alca'ateua'a da qanamaxa ne'ena 'alhua caua siete vi'iye ca nqouaxa, huo'otaq tres ca'agoxoiqa da 'ananeltaxaatac, souaxat da 'am icaatac na 'ampa'aguenaxauapi, huo'otaq tres na'axa'te da talec ana 'alhua ca napiina? Qaq nagui, 'auennataxaalec de'era, yaqto' que'eca 'arasataxac, sa'aqtaxanem qome Ñim aỹem namaq.»

Génesis 41:56

Qaq yi'iye 'alhua co'ollaq mashe ỹaguec na nqouaxa, nache so José ỹauatoigui 'enauac so laỹe'pi na trigo da yaqto' imenot so Egipto le'ecpi, cha'aye se'eso nqouaxa nquictauec.

Génesis 41:51

Qaq so la'auaxanec llalec ỹanagui da le'enaxat Manasés, cha'aye 'enapeco': «Ñim Lo'onatac 'Enauacna ỹo'ot da secoua'ai 'enauac so ñeque'eenaxac, qataq 'enauac ca ihuo' le'ecpi.»

Génesis 41:27

Qaq soua siete huaca maye nca'attrauo, som ỹataqta qauema qataq ỹapo'ote', soomaye nataqa'en naiguilo caua siete vi'iye. Qaq nache 'ena'ama soua siete ala na trigo maye daqaqte' qataq ỹavigaxatte' so la'at quenaquiaxaic, soomaye nataqa'en naiguilo caua siete vi'iye da ỹataqta lta'araic ca nqouaxa.

Génesis 41:21

Qalaxaye co'ollaq mashe ime da che'c soomaye, qaq saishet da huo'o ca nomalo da nquic da lataxa'c, cha'aye ñaq 'eetalec da ỹapo'ote' soomaye, 'eeta'am so hua'autec lataxa'c. Nache aỹem ñelouec,

Génesis 41:31

Qaq ỹataqta lta'araic qome que'eca nhuenaxanaxa, huaña qome nache qaica ca ntooneque caua vi'iye maye huaiguilo da qaica ca qaiueetac.