Génesis 41:26 - La'aqtaqa Ñim Lo'onatac 'Enauacna 2013

²⁶ Soua siete huaca maye ỹataqta 'onaxail, soomaye naiguilo caua siete vi'iye, qaq nache 'eeta'ama soua siete ala na trigo maye ỹataqta 'onaxaiqa, soomaye naiguilo caua siete vi'iye. Qaq se'esoua nchoxonaxaco 'oonolec da naigui.

Génesis 41:26 Referans Kwoze

Génesis 41:47

Qaq se'eso 'alhua ỹataqta qalota da lañaxataxac se'esoua siete vi'iye maye huaiguilo da qaica ca qaiueetac.

Génesis 41:2

nache se'eso tala chegoqchiguinguilo soua siete huaca maye ỹataqta 'onaxail qataq chaxarail, nache checta'ape so 'auaqpi maye huetaigui so na'aatesat.

1 Juan 5:7

Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Éxodo 12:11

Qaq 'era da qoñiitec da qollequi ca qagueta llalec, qaq ỹataqta qansauachiita, qataq qaỹa'añiiyiñi naua qarapela'achilli', qataq qanasoqoita'alo naua qarashelchilli', qaq ỹataqta qanqui'imiigue, cha'aye de'era lapascua lalamaxat Ñim Nataxala'.

Génesis 41:53

Qaq co'ollaq inoxoorec soua siete vi'iye maye huaiguilo da qaica ca qaiueetac yem 'alhua Egipto,

Génesis 41:29

Qaq ana'c qome caua siete vi'iye maye ỹataqta qaica ca qaiueetac 'enauac na 'alhua Egipto.

Génesis 41:5

Qalaxaye qaltaq ỹe'eguelaxañi co'ollaxa da do'oche, nache qaltaq huo'o so lỹa lchoxonaxac, somaye ilota'alo co'ollaxa soua siete ala na trigo maye ñaxattaua'alo so 'oonolec lpi'inec maye ỹataqta 'onaxaiqa, qataq nlaqchiguilo na ala.

Génesis 40:18

Qaq huaña nache so José 'enapeco': «Som 'archoxonaxac, 'eeta' da naigui: soua tres npaqtal maye laỹe' ana nauole, soomaye naiguilo caua tres na'axa'te,

Génesis 40:12

Nache so José 'enapeco': «Se'eso 'archoxonaxac, 'eeta' da naigui: soua tres lcoue aso uva lcheyec, soomaye naiguilo caua tres na'axa'te.

Génesis 2:24

Qaq ỹoqo'oye ca ỹale ca'ai qome ca lta'a qataq aca late'e, da yaqto' lmayaxaua aca lhua, nache caamaye 'eeta'am da 'oonolec shiỹaxaua.

Éxodo 26:6

Qataq 'auo'ot nataqa'en ca cincuenta ca lemaxaquipi chegaqaigui na oro, yaqto' ishet da qoỹemaxa't que'ecaua napoxonaqa'ate maye nataxau', nache ima'a't yaqto' 'oonolec ca ndaqa' que'eca npe'l.

Génesis 41:25

Nache so José ỹasateguet so faraón, 'eeta': «'Am nta'a, soua dos 'archoxonaxaco, soomaye 'eeta'a't da naigui. Ñim Lo'onatac 'Enauacna, 'am ỹaỹaanaxanaxanec da huotaique da ỹo'ot Ñimaye.

Génesis 41:27

Qaq soua siete huaca maye nca'attrauo, som ỹataqta qauema qataq ỹapo'ote', soomaye nataqa'en naiguilo caua siete vi'iye. Qaq nache 'ena'ama soua siete ala na trigo maye daqaqte' qataq ỹavigaxatte' so la'at quenaquiaxaic, soomaye nataqa'en naiguilo caua siete vi'iye da ỹataqta lta'araic ca nqouaxa.

Daniel 2:45

Qaq 'am nta'a, 'era da naigui so coma' maye 'auauaachigui co'ollaxa da depoxoỹauec, chegaqalec aso qasoxonaxa maye qaica ca ỹamaxauec, som coma' maye ỹe'eguelaxa naqa'en da lsoche so lcat, so bronce, qataq so nqatelliguishec 'alhua, so lcat plata qataq so oro. Qaq Ñim 'Amaqtaqaic Lo'onatac 'Enauacna, 'am ỹachaxana 'am nta'a cam ñaq taỹa'a da yo'oq. Qaq som 'archoxonaxac ỹataqta 'eesa, qataq dam naigui ỹataqta ipacchigui qome.