Génesis 41:25 - La'aqtaqa Ñim Lo'onatac 'Enauacna 2013

²⁵ Nache so José ỹasateguet so faraón, 'eeta': «'Am nta'a, soua dos 'archoxonaxaco, soomaye 'eeta'a't da naigui. Ñim Lo'onatac 'Enauacna, 'am ỹaỹaanaxanaxanec da huotaique da ỹo'ot Ñimaye.

Génesis 41:25 Referans Kwoze

Daniel 2:45

Qaq 'am nta'a, 'era da naigui so coma' maye 'auauaachigui co'ollaxa da depoxoỹauec, chegaqalec aso qasoxonaxa maye qaica ca ỹamaxauec, som coma' maye ỹe'eguelaxa naqa'en da lsoche so lcat, so bronce, qataq so nqatelliguishec 'alhua, so lcat plata qataq so oro. Qaq Ñim 'Amaqtaqaic Lo'onatac 'Enauacna, 'am ỹachaxana 'am nta'a cam ñaq taỹa'a da yo'oq. Qaq som 'archoxonaxac ỹataqta 'eesa, qataq dam naigui ỹataqta ipacchigui qome.

Apocalipsis 4:1

Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Marcos 13:23

¡Maxatchaxa qome! Cha'aye mashe sogote da qami' sevitaqteetagalo 'enauac de'era, nagui da saxanaxa da ivita.

Mateo 24:40

Qaq que'eca na'a'q qome, huo'oi caua dos ỹale't da do'onataxaata'ape huetrauga ca no'onaxa, nache caamaye 'oonolec ca sauec, qaq ca lỹa qalaq ño'onaxatañi.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Isaías 43:9

Qalapoñiỹa't qome 'enauac qami' nhuo' le'ecpi, qataq qami' ỹotta'a't shiỹaxauapi, nache Aỹem qaua'aqtaxañim. ¿Negue't co'ollaxa ca ỹa'axata'a de'era da qoñiita, qataq cam ỹa'axatta'aguet som mashe hua'auñi da yo'oq? Qaq no'on da qauauo'oi caua da'aqtaxa'n da ỹachaxa'n da 'eesa de'era, yaqto' cam hua'aqchigui damaye nache, 'eeta': «Ỹoqta 'eesa de'era»

Salmos 98:2

Ñim Nataxala' ỹa'axatec co'ollaxa da lca'alaqtaxanaxac, qataq ỹachaxaata da nalochiguiñi lo'onataxanaxac, ỹauaachigui naqa'en na ỹotta'a't shiỹaxauapi,

Josué 11:6

Qalaxaye Ñim Nataxala' 'enapego' so Josué, 'eeta': «Saishet qome da 'añi'iỹa yemayepi, cha'aye qoyo'oxoñi qom ivita ye ñichiguiña nagui añi nala', nache 'enauac yemayepi qauauañiichigui da ileu. Qaq qami' qauchiquiiguilo qome naua lchel ye lalo caipi, qataq qauavigaxache qome aye nalaataxaquipi laigonapi.»

Génesis 41:16

Nache so José 'enapeco': «Damaye saishet da nachaỹem chegoqchigui. Qalaxaye 'am nta'a, Ñim Lo'onatac 'Enauacna, 'am ỹanem qome ca lasataxac maye ỹo'ot ca 'araỹamaxa.»

Éxodo 9:14

cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

Génesis 41:26

Soua siete huaca maye ỹataqta 'onaxail, soomaye naiguilo caua siete vi'iye, qaq nache 'eeta'ama soua siete ala na trigo maye ỹataqta 'onaxaiqa, soomaye naiguilo caua siete vi'iye. Qaq se'esoua nchoxonaxaco 'oonolec da naigui.

Génesis 41:28

Qaq 'era da ỹa'aqtaxanaxac 'am nta'a: Ñim Lo'onatac 'Enauacna, 'am ỹachaxana dam ỹauotaique ỹo'ot Ñimaye.

Génesis 41:32

Qaq 'am nta'a, dos co'ollaxa soua 'archoxonaxaco maye 'eeta'a't, cha'aye Ñim Lo'onatac 'Enauacna mashe lhuennataxac da ỹo'ot de'era, qaq damaye saqaỹaloq da ỹo'ot.

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»