Génesis 41:16 - La'aqtaqa Ñim Lo'onatac 'Enauacna 2013

¹⁶ Nache so José 'enapeco': «Damaye saishet da nachaỹem chegoqchigui. Qalaxaye 'am nta'a, Ñim Lo'onatac 'Enauacna, 'am ỹanem qome ca lasataxac maye ỹo'ot ca 'araỹamaxa.»

Génesis 41:16 Referans Kwoze

2 Corintios 3:5

Qalaxaye qomi' qaica ca maiche qaralamaxat qaraỹaanataxanaxac da maiche so'otaxac da shenaqta; Ñim Lo'onatac 'Enauacna maye nacheñi, Ñim qomi' ỹanema da qaraỹaanec da huo'o ca so'otaq.

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Hechos 3:12

Nache so Pedro co'ollaq ila'a de'era nqochoxo, nache 'enapego' so shiỹaxauapi, 'eeta': –Qami' Israel le'ecpi, ¿chaq ta'ainco' ye ỹapactec da qarqochoqoi? ¿Ta'ainco' da qomi' qauloito'oto, 'ena'amo' da nacheqomi' da ñatarenaq de'era ỹale, huo'otaq da maiche qara'añaxac da seroxolec damaye da yaqto' queuoỹapigui'?

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

1 Corintios 15:10

Qalaxaye Ñim Lo'onatac 'Enauacna ỹataqta aỹem ỹauotec, ỹoqo'oye ỹauo'o aỹem lamaxashec nagui Ñimaye. Saishet co'ollaxa da so'otan da la'añaxac maye aỹem ỹami', qataq ñapacalec da lo'onataxanaxac na laỹepi lamaxashecpi Ñimaye. Qalaxaye 'enauac de'era so'ot, damaye chegoqchigui da la'añaxac Ñim Lo'onatac 'Enauacna.

Hechos 3:7

Nache so Pedro ỹacona na lhuaq aloic somaye, nache naviguisheguem. Huaña, nache da'añiiguelo naua lchel qataq naua nqonacamo somaye.

Lucas 19:42

Nache 'eeta': –¡Ỹataqta lta'araic da iyaxa, da nagui qami' qauaỹaañi ca naigui da qoviitaigui da qarlagaxayiqui! Qalaxaye qami' saishet da qauaỹaañi.

Daniel 4:2

Sauotaique da qauaỹachiñi dam lataxac maye saqaỹauanapega, maye aỹem ỹo'otec Ñim Lo'onatac 'Enauacna maye Nataỹaña 'Enauacna.

2 Reyes 6:27

Nache so nta'a 'enapeco': Ñim Nataxala' da saishet da 'am itauan, nache ¿ca sheeteco' da 'am setauan? Ye qaica ca aỹem hueto'ot trigo, qataq lataxa da 'am sanem.

Génesis 37:14

Nache so Israel, 'enapeco': «Hua', qojec qome, da yaqto' 'auaỹaten ca 'eetec caua 'arqaỹa't, qataq aca qaguetapi, qaq ime qome, nache 'añe'eguelaq da 'andoi' ca ỹa'axaỹaxac.» Nache so Israel ỹamaq so José, chegoqchiguiña naqa'en so ca'amegue ye Hebrón. Qaq so José co'ollaq ivita ye Siquén,

Génesis 41:17

Nache so faraón da'aqtaxanem so José, 'eeta': «So ichoxonaxac lloxoche ñachattañi sooto'ot na loigue so tala Nilo.

Génesis 41:25

Nache so José ỹasateguet so faraón, 'eeta': «'Am nta'a, soua dos 'archoxonaxaco, soomaye 'eeta'a't da naigui. Ñim Lo'onatac 'Enauacna, 'am ỹaỹaanaxanaxanec da huotaique da ỹo'ot Ñimaye.

Génesis 41:28

Qaq 'era da ỹa'aqtaxanaxac 'am nta'a: Ñim Lo'onatac 'Enauacna, 'am ỹachaxana dam ỹauotaique ỹo'ot Ñimaye.

Deuteronómio 29:29

Nam saqcha'a lataxacpi namayepi lalamaxatpi Ñim Nataxala' maye Qanatamnaxala', qalaxaye nam yo'oqta lataxacpi namayepi qomi' qaỹachaxanalo qome, qataq ca qoyalaqpi, yaqto' sepagaqtelec da so'otaq 'enauac ne'ena na'aqtacpi ne'ena qoỹan nqataxacpi.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.