Génesis 40:9 - La'aqtaqa Ñim Lo'onatac 'Enauacna 2013

⁹ Qaq huaña nache so lataxala' so ỹomaxaqui lo'opi, da'aqtaxanem so José so lchoxonaxac, 'eeta': «Aỹem sechoxootega da satato'ot aso uva lcheyec,

Génesis 40:9 Referans Kwoze

Daniel 4:8

Qaq pa'atec nache aỹem nachaateua'a so Daniel, maye nataqa'en le'enaxat Beltsasar souaxat dam sho'oxoren ñim ñatamnaxala', qaq da nachaalataxac somaye hueta'aguet som saqcha'a la'añaxac nam atamnaxala'pi maye qui'itta, nache sa'aqtaxanem som ichoxonaxac, sheeta':

Daniel 2:31

'Am nta'a, co'ollaq 'auchoxootac nache 'aulota'a so nachattañi ne'enaqtac, maye ỹataqta lta'araic qataq qashelecteguiñi, qataq chaqaic da lataxac.

Génesis 40:1

Qaq co'ollaq mashe qaỹoqtegue de'era, nache soua lamaxa'she so nta'a, som ỹomaxaqui lo'o, qataq som nauole lo'o, soomaye npa'agueneto co'ollaxa so na'aco't som nta'a ye Egipto.

Génesis 40:2

Qaq somaye nache dalemataỹalo co'ollaxa soua dos ltau'. Qaq soomaye nachesoua som lataxala'ate so ỹomaxaqui lo'opi, qataq som nauole lo'opi,

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Génesis 40:10

qaq asomaye tres soua lcoue. Qaq asa'aso uva lcheyec ñaxatec ana laue, nache huo'o aso lauoxo. Qaq aso lauoxo nañigui aso mashe ỹe uva ala.