Génesis 40:5 - La'aqtaqa Ñim Lo'onatac 'Enauacna 2013

⁵ Qaq huo'o so pe, nache se'esoua dos ncoñetegui'she, som ỹomaxaqui lo'o qataq so nauole lo'o, soomaye huo'o so lchoxonaxa'c, qaq ñi 'oonolec se'esoua nchoxonaxaco, huo'o da naigui.

Génesis 40:5 Referans Kwoze

Génesis 41:11

Qaq huo'o so pe, nache so lataxala' na nauole lo'opi huo'o so lchoxonaxac qataq aỹem huo'o so ichoxonaxac, qaq ñi 'oonolec soua qarchoxonaxaco huo'o da naigui.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Daniel 4:9

'Am Beltsasar maye 'am lataxala' nam ilaviigui ca lỹa, aỹem saỹaten da so saqcha'a la'añaxac nam atamnaxala'pi maye qui'itta, 'am hueta'aguet, nache qaica ca ỹapogoñi 'anqa'en. Qaq 'ana'axaỹaxaachiguiñi, aỹem 'am sa'aqtaxanem som selota'a co'ollaxa maye huaigui so ỹo'ochaxa, nache aỹem 'aua'aqtaxanem qome ca naigui somaye.

Daniel 4:5

Qalaxaye huo'o so pe co'ollaq ñenaatai', nache huo'o so ichoxonaxac maye aỹem ỹe'elaqchet, nache na iuennataxacpi qataq na ỹauanaqchecpi ỹataqta aỹem nlaxatchigui da icolanaxa.

Ester 6:1

Qaq nache huaigui se'eso pe, da so nta'a saishet da do'oche, qaq ỹoqo'oye damaxasoxoolec da qandoua'a somaye aso nere maye nanettalec 'enauac nam huo'o da la'amaqchec maye qaỹo'otpi yi'iye 'alhua, da yaqto' qaitaxaỹaxan.

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Génesis 20:3

Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Génesis 40:1

Qaq co'ollaq mashe qaỹoqtegue de'era, nache soua lamaxa'she so nta'a, som ỹomaxaqui lo'o, qataq som nauole lo'o, soomaye npa'agueneto co'ollaxa so na'aco't som nta'a ye Egipto.

Génesis 40:4

Nache se'eso lataxala' so nhuataxauapi so nta'a, ipataxalec co'ollaxa so José da ilo'oguelo se'esoua dos ltau' so nta'a, nache soomaye ỹataqta qaỹoqteguelo soua na'axa'te da netraigui aso ncoñetaxanaxaqui.

Génesis 40:6

Qaq som nte'etom co'ollaq so José demeenaxaneua'alo soomaye, nache ilaleguete da ỹataqta huo'o da laquicoqo'.