Génesis 40:12 - La'aqtaqa Ñim Lo'onatac 'Enauacna 2013

¹² Nache so José 'enapeco': «Se'eso 'archoxonaxac, 'eeta' da naigui: soua tres lcoue aso uva lcheyec, soomaye naiguilo caua tres na'axa'te.

Génesis 40:12 Referans Kwoze

Jueces 7:14

Nache so lỹa 'enapeco': «Se'eso nacheso so lainec ca Gedeón, cam llalec so Joás, maye Israel le'ec. Ñim Lo'onatac 'Enauacna ỹanem ca Gedeón da loxonec na madianiitapi qataq 'enauac na qaranataqa'.»

Génesis 41:12

Qaq co'ollaq sonaqtaigui añi ncoñetaxanaxaqui, nache qomi' ỹalectaiguilo so nsoqolec hebreo, somaye l-latac som lataxala' na 'am nauaatalecpi naxa. Nache qomi' sa'aqtaxanaxam somaye soua qarchoxonaxaco, nache somaye qomi' ỹa'axatema so naigui.

Génesis 40:18

Qaq huaña nache so José 'enapeco': «Som 'archoxonaxac, 'eeta' da naigui: soua tres npaqtal maye laỹe' ana nauole, soomaye naiguilo caua tres na'axa'te,

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Mateo 26:26

Qaq co'ollaq ña deque'eta'ape, nache So Jesús ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole qataq ỹanema soua lapaxaguenataqa nache, 'eeta': «Qauacoñiiguet qataq qolliqui ana'ana, anamaye nachera da ỹo'ocỹaxac.»

Génesis 40:11

Qaq aỹem lloxoche ñasoqta'a aso nỹomaxaqui ñi faraón. Nache sacona asa'aso uva ala, nache ñelom da selomaxaangui aso ỹomaxaqui. Qaq ime, nache sanem aso ỹomaxaqui ñi faraón.»

Génesis 40:13

Qaq qom inoxoorec caua tres na'axa'te nache ñi faraón qaltaq nmit qome so 'arasouaxashet. Qaq ime qome, nache qaltaq 'am ỹe'eguelaxatem da 'aro'onataxanaxac co'ollaxa. Qaq huaña nache qaltaq 'aupacta da 'aỹa'aatapeguem aca nỹomaxaqui ñi faraón, 'eeta'am so hua'autec 'aro'onataxanaxac.

Daniel 4:18

Qaq aỹem nta'a Nabucodonosor, 'eso so ichoxonaxac co'ollaxa, qaq nagui 'am Beltsasar, ñaq aỹem 'aua'axatem cam naigui somaye, cha'aye nam ỹaanaxanaxaicpi maye ỹalectaua'a da ỹo'onataxanaxac qaica ca ishet da ỹaỹaten, qalaxaye 'am ishet qome da 'aua'axat ca naigui somaye, cha'aye 'am hueta'aguet so saqcha'a la'añaxac na atamnaxala'pi maye qui'itta.

Génesis 41:28

Qaq 'era da ỹa'aqtaxanaxac 'am nta'a: Ñim Lo'onatac 'Enauacna, 'am ỹachaxana dam ỹauotaique ỹo'ot Ñimaye.