Génesis 4:7 - La'aqtaqa Ñim Lo'onatac 'Enauacna 2013

⁷ Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Génesis 4:7 Referans Kwoze

Santiago 1:15

Qaq nam qauem qarqopitaxanaqtaicpi, nachena nam qomi' ỹaueca'alo da so'otaq ca qarasouaxashet. Qataq da nachaqrata da souaqtaigui da so'otaqtac da qauem, nache 'oonolec dam qomi' iuatta'agueta, qaq damaye nachera da nleuaxa maye chochaq tatec.

Hebreos 11:4

So Abel huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye aso ỹan lachetaqtaxanaqte ỹataqta no'on, saq 'ena'am so ỹan so Caín. Qaq ỹoqo'oye Ñim Lo'onatac 'Enauacna ỹamata'ac da ỹataqta no'on ỹale so Abel, nache ỹaconeguet aso lachetaqtaxanaqte. Qaq na'aictaxa da mashe ileu so Abel, qalaxaye ñaq queta da qanapaxaguenataguec chegoqchigui da lpi'iỹaxac somaye Ñim Lo'onatac 'Enauacna.

Romanos 6:16

Qami' qauaỹachiñiita da ca nache 'eetai' da ỹalaqtapeeguet ca lỹa shiỹaxaua, nache ivira'a da l-latac camaye. Qaq nache 'eeteque qomi' seshetaq da salaxasoxoguet da ñe'etaxaloxo, nache seviraqa'a da seleuaq. Qaq da huo'otaq salaxasoxoguet Ñim Lo'onatac 'Enauacna, nache qomi' ỹaỹamaxareete' qataq saconaxaguet da lchoxonnataxanaxa.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

Malaquías 1:13

Qataq qami' qoñiỹapec: qomi' mashe ñasamaxaisop 'enauac de'era, nache Aỹem qauo'otañi 'enapec Ñim Nataxala' maye Qaica ca Ỹaqalanapec. Qalaq ñaq 'eetalec da qaupicheetega da samachiguiñi da aỹem qaỹa'añiỹot ca shiguiỹac maye chochaq ncachaxat, qataq ca lapat ca huaỹoraxaic, huo'otaq sano'on.

Proverbios 21:27

Ñim Nataxala' ỹaỹemec aca lachetaqtaxanaqte na qauemaicpi, lamaaxa da qauem da qoỹaataigui da qoỹaneuo.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.

Malaquías 1:8

qataq da saishet da qauem qanqa'eñi, da Aỹem qaỹa'añiỹot ca shiguiỹac maye tagoxoic, huo'otaq huaỹoraxaic, huo'otaq ca sano'on. ¡Qauesomiỹa qome, qaroiua'a nam qarta'ailpi! ¡Nache qauloichigui qome da huo'otaq namayepi ỹamaateguet nam qarachetaqtaxanaxache!»

Hechos 10:35

Chaqrata da Ñimaye ỹataqta ỹaỹamaxareeta ca camachaqca nam ỹotta'a't shiỹaxauapi da huo'otaq ỹataqta ỹalaxaguet Ñimaye qataq ỹo'ot ca ỹaỹamaqchiguiñi, saishet da ỹectega cam chegaqa'ague.

Romanos 14:18

Qaq da nache shenaqtec de'era da so'onataxanaqot So Jesucristo, nache Ñim Lo'onatac 'Enauacna qomi' ỹaỹamaxareete', qataq huo'o naq 'enec naqa'en da shenaqta 'enauac na shiỹaxauapi.

Jeremías 6:20

¿Ta'ainco' da aỹem qandoiua'a nam nchenaxanaxat maye qauachegoxochiỹa'a ye Sabá, qataq ana nañiguishe maye ama na laita maye qauachegoxochiỹa'a cam qaỹoqta 'alhua? Aỹem saishet sa saỹamaxarem nam qarachetaqtaxanaxache maye qauavigaxacheeta qataq na laỹepi.»

Proverbios 18:5

Sa ỹaỹamaxañi da qaiueelec ca huo'o ca lasouaxashet, qataq sa ỹaỹamaxañi da sa qaiueelec ca qaica ca ỹasouaxat.

Romanos 15:16

qataq aỹem lca'aguishec da so'onataxanot So Jesucristo da yaqto' setauan nam saishet da judiopi. Qaq aỹem sheeta'am ca ntaxaỹaxanaxanec da sa'axatem namayepi da no'on na'axaỹaxac maye chegoqo'ot Ñim Lo'onatac 'Enauacna, qataq seroua'a Ñimaye da 'eeta'am aca nachetaqtaxanaqte maye ỹaỹamaxareeta Ñimaye, cha'aye So Saqcha'a Na'añaxac Qui'itta iỹotauga da yaqto' lalamaqte.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

1 Timoteo 5:4

Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

2 Samuel 24:23

¡Qaq 'enauac ne'enapi, 'am sanem 'am nta'a! Qaq Ñim Nataxala' maye 'Anatamnaxala', 'onaxaico' da ỹaỹamaxareeta qome que'eca 'aỹa'anot Ñimaye.»

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Génesis 19:21

Qaq huaña nache so 'oonolec soomaye, 'enapeco': «Aja', aỹem sasateguet da so'ot de'era 'auỹaxaneua'a. Saishet qome da selaxachigui yi'iye huaqta'a't nỹecpi maye aỹem 'aua'axatteguem,

Da na'aqtaguec so Job 29:4

co'ollaq ñaq aỹem nsoqolec, nache Ñimaye ỹataqta ntela'a ye ima',

2 Reyes 8:28

Nache so Ocozías, nnaicapegue' co'ollaxa so Jorán, maye llalec so Ajab, da yaqto' iloquiaxan so Jazael, maye nta'a ye Siria, huaña ye Ramot yem 'alhua Galaad. Qalaxaye so siiriopi ique'emaqchet co'ollaxa so Jorán.

Romanos 6:12

Qaq nagui no'on da saishet da qauashiñim da ñe'etaxaloxo da qami' ilo'oguelo qataq da qami' ỹamaqaleguete da qaualaqaiguet na qauem 'eetapeguecpi da qaro'ocỹaxaqui.

Da na'aqtaguec so Job 11:14

qaq da huo'o na 'arasouaxashetpi, qalaxaye 'aỹa'axanec, qataq sa 'auashenem ye 'arma' da huetaña na saỹaỹamaxañesat,

Da na'aqtaguec so Job 11:15

huaña nache da 'armeenaxanaxac qui'itta, da huo'o ca 'auamata'a qataq ỹataqta qaica ca 'am iraxanai', qataq qaica ca 'añe'etaique.

Jeremías 3:12

Qojec nagui 'aigue da sheu', nache 'aua'axatec qome de'era ỹa'aqtac, qoneta': ‹Ñim Nataxala', 'enapec: ¡Aỹem 'añe'eguelaxa 'am qauemai Israel! Cha'aye saishet qome da 'am saseyacnapec da 'am saconeguet, qataq saishet da nache queta da 'am senotega, cha'aye Aỹem choxonnataxanaxaic. Qaq 'era da ỹa'aqtac, Aỹem Nataxala'.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.