Génesis 4:26 - La'aqtaqa Ñim Lo'onatac 'Enauacna 2013

²⁶ Qaq nataqa'en so Set, huo'o co'ollaxa so llalec, nache ỹanagui da le'enaxat Enós. Qaq nacheso so chegoqchigui da qaỹo'oxoren da le'enaxat Ñim Nataxala'.

Génesis 4:26 Referans Kwoze

Salmos 116:17

Qaq ỹoqo'oye 'am sanot qome aca ỹachetaqtaxanaqte da so'ot ca ña'achecỹaxac, qataq seỹaxana qome da 'are'enaxat, 'Am Nataxala'.

1 Reyes 18:24

Huaña, nache qami' qauỹaxañiỹot qome nam qanatanaxala'aipi, qaq aỹem qalaq seỹaxanot Ñim Nataxala'. Qaq cam Atamnaxala' maye ỹasat da namaq ca norec, qache nacheca ca ỹataqta 'eesa Atamnaxala'. Nache 'enauac se'eso nhuo' le'ecpi, 'enapeco': ¡Aja', ỹaỹamaqchiguiñi da qonapec!

Sofonías 3:9

«Qaq qom ivita que'eca na'a'q, nache sequi'itaxa't naua la'aqtaqa nam nhuo' le'ecpi, yaqto' 'enauac namayepi da Aỹem ỹo'oxoren qome, qataq 'oonolec ca lhuennataxac da Aỹem do'onataxanot.

Joel 2:32

Qalaxaye 'enauac nam iỹaxaatega da le'enaxat Ñim Nataxala' nca'alec qome, cha'aye añi qasoxonaxa Sión qataq ye Jerusalén, huaña qome da nca'alaxa, cha'aye maiche la'aqtac co'ollaxa Ñim Nataxala'. Qaq que'eca lca'alaxaicpi, nache ỹalectaigui qome nam lca'aguishecpi Ñim Nataxala'.

Génesis 12:8

Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.

Lucas 3:38

qaq so Cainán, nache lta'a so Enós, qaq so Enós, nache lta'a so Set, qaq so Set, nache lta'a so Adán som llalec Ñim Lo'onatac 'Enauacna.

Jeremías 33:16

Qaq que'eca na'a'q, na Judá nca'alec qome, qaq na Jerusalén qalaq qaica qome ca iraxaatapigui'. Qaq 'era qome da le'enaxat da qaiỹaxana: ‹Ñim Nataxala' nacheñi Ñim qarauegaxanaxac.›

Génesis 26:25

Qaq huaña, nache so Isaac, ỹo'ot aso lca'atoxonaxalate, nache iỹaxana da le'enaxat Ñim Nataxala'. Qaq somaye nache nalec se'eso 'alhua, nache som lamaxashecpi, nshe' aso ñi'illoxoqui.

Romanos 10:13

Cha'aye nataqa'en 'enapec ana nere maye huetalec na la'aqtacpi Ñimaye 'eeta': «Ñimaye nca'alaxatec 'enauac nam iỹaxaatega da le'enaxat.»

Hechos 11:26

Nache neraña yemaye, ỹalectraigui na ỹa'amaqten So Jesús, ivi' so 'oonolec vi'i. Nache ỹataqta qalota na shiỹaxauapi na ỹapaxagueetrac. Qaq huaña ye Antioquía, nache cheta'ague da na ỹa'amaqten So Jesús qailonec da «nam quetague' So Cristo.»

Hechos 2:21

Huaña qome, nache 'enauac nam iỹaxaatega da le'enaxat Ñim Nataxala', namayepi qanca'alaxatec.

Isaías 63:19

Qomi' seviraqta'a da 'eco' saỹauanego' da qomi' 'aulotegueto, qataq da 'eco' saỹauanego' da sachoqtac da 'are'enaxat.

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

Isaías 44:5

Qaq huo'o qome ca 'enapec: «Aỹem lalamaxat Ñim Nataxala'», qaq ca lỹa ỹache qome da le'enaxat so Jacob, qaq ca lỹa ỹerelec qome na lhuaq da 'eeta': «Lalamaxat Ñim Nataxala'» qataq ỹauo'o le'enaxat da Israel.