Génesis 4:16 - La'aqtaqa Ñim Lo'onatac 'Enauacna 2013

¹⁶ Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

Génesis 4:16 Referans Kwoze

Jeremías 52:3

Qaq ỹoqo'oye Ñim Nataxala' dalemataỹa co'ollaxa ye Jerusalén qataq ye Judá, nache ỹo'orauec. Qaq ime co'ollaxa nache so Sedequías mpa'aguene' so nta'a ye Babilonia.

Jeremías 23:39

nache Aỹem, qami' sasaxare'c qome, qataq nam huaqta'a't nỹecpi maye qami' sanema co'ollaxa, qataq som hua'au qarta'ailpi, nache ỹataqta qaỹoqta ñaqa'en da sheeta, cam qoviỹaña qome.

Da na'aqtaguec so Job 2:7

Nache so Pa'aguenataxanaxaic ca'ai Ñim Nataxala', nache namaxa so Job, so nalolaxa maye nchega naqa'en na lo'oc, nache ỹataqta imoota 'enauac da lo'ocỹaxac.

2 Reyes 24:20

Ỹoqo'oye Ñim Nataxala', ỹataqta dalemataỹa co'ollaxa ye Jerusalén, qataq ye Judá, nache ỹo'orauec somayepi. Qaq co'ollaq mashe qaỹoqtegue de'era, nache so Sedequías dataỹa'aguet co'ollaxa so nta'a ye Babilonia.

2 Reyes 13:23

Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Génesis 4:14

Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Génesis 3:8

Qaq so ỹale qataq aso 'alo, co'ollaq hua'axaira'aguet Ñim Lo'onatac 'Enauacna da coleetapeguelec so nanqa' ana nañiguishepi, quetaigui so la'at atomteguet so avit, nache soomaye nqañoxooyiñi co'ollaxa, taroigui so qo'oipaqsat se'eso nanaxanaqa'.

1 Ts 1:9

Cha'aye 'enauac qana'aqtaxaatapigui dam ỹaỹamaqchiguiñi qarataxaqui co'ollaq qomi' qauacoñiigueta, qataq qana'aqtaxaatapiguilo qami' da 'eetec co'ollaq qaỹa'axañiiñi da qavio'oxoyiñiitac na ne'enaqtacpi maye qanatameetacotpi, nache qauo'onataxañiỹot Ñim Lo'onatac 'Enauacna maye nca'altauec qataq 'eesa.

Juan 1:10

Qaq se'eso Na'aqtac nale'ena da hueta'a ana 'alhua. Qaq na'aictaxa da Ñim Lo'onatac 'Enauacna ỹachegoxotchigui co'ollaq ỹo'ot ana 'alhua, qalaxaye nam huetalec ana 'alhua saishet da ỹaconeguet.

Juan 1:3

Qaq Ñim Lo'onatac 'Enauacna co'ollaq ỹo'ottacna, nache ỹachegoxotchigui So Na'aqtac 'enauac nam ỹo'otpi. Qaq 'enauac nam huo'o, qaica ca saq chegoqchigui So Na'aqtac.

Lucas 13:26

Huaña, nache qami' qome qoñiita': «Qomi' 'am qarquia'axaua qataq 'am qanỹomaxaua caillaye, qataq 'auapaxaguenataxaatac can huaña ye sonaqtaña qarma'.»

Mateo 18:20

Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.

Salmos 68:2

nache 'eeta'am na lmala'q da nlagaxat. Qataq quiguiñi 'eeta'am ana dapic lapa da tangui na norec, da huo'o Ñimaye nache qanauec na qauemaicpi.

Salmos 5:11

Qalaxaye ỹataqta ỹa'amaqchiguiñi qome 'enauac na nmitta'a da 'am ỹe'eguenot, qataq machiguiñi da do'onaxaatac cha'aye 'ampaxattalec qataq machiguiñi qome 'enauac nam ỹauotec da 'are'enaxat,

Da na'aqtaguec so Job 20:17

Nache saishet qome da nque'etaxaachigui da chec, na huaca lche' qataq na te'esaq lli'i, maye sa qoue 'eeta'am na la'auaxac.

Da na'aqtaguec so Job 1:12

Nache Ñim Nataxala' 'enapego' so Pa'aguenataxanaxaic, 'eeta': «Hua', ỹaỹamaqchiguiñi, maiche 'oiqueetac qome ca qoneta'ac 'enauac na hueto'otpi ca Job, qalaxaye saishet qome da huo'o ca 'auo'otec sa ỹaỹamaxañi da nachaalataxac camaye.» Huaña nache so Pa'aguenataxanaxaic, ca'ai Ñim Nataxala'.

Génesis 4:17

Qaq so Caín hue'eguet co'ollaxa aso lhua, nache asomaye hualaxai, qaq ñiguiñi co'ollaxa so llalec nache ỹanagui da le'enaxat Enoc. Qaq ime co'ollaxa, nache so Caín no'oxoosheguem so huaqta'a't nỹecpi, som ỹamata'ac da le'enaxat Enoc, maye 'eeta'am da le'enaxat som llalec.

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.