Génesis 4:15 - La'aqtaqa Ñim Lo'onatac 'Enauacna 2013

¹⁵ Qalaxaye Ñim Nataxala', ỹasateguet somaye, 'eeta': «Da huo'o ca 'am ỹalauat, nache camaye siete da qaỹe'eguelaxalec da qaỹauo'o ca nhuaxanaguec.» Nache Ñim Nataxala', ỹauo'o so na'anaxat so Caín, da yaqto' cam natenalec somaye, nache saishet da ỹalauat.

Génesis 4:15 Referans Kwoze

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Salmos 79:12

'Am Nataxala', siete qome da 'avi'eguelaxalec da nque'eteeta 'anqa'en na qarhuoreuapi, souaxat na qauemsat maye 'am ỹasaxalec.

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Génesis 4:24

Qaq so Caín da siete da qaỹe'eguelaxalec da qaỹauo'o ca lvi', nache aỹem iuen qome da setenta y siete da qaỹe'eguelaxalec da qaỹauo'o ca ivi'.»

Apocalipsis 14:11

Qaq na lmala'q ca norec maye ỹo'ot da nque'eenaxac qalaq nache 'eetai' da ncheteguisheguem, cha'aye nam natameetacot som shiguiỹac leguemaxaic qataq so ne'enaqtac maye lqui'i somaye qataq na qaỹa'an da qaỹa'anaxana da le'enaxat somaye, saishet da vi'iiguet da nque'eenaxac ye na'a'q qataq ye pe.»

Apocalipsis 14:9

Ime, qataq ca'attalec so lỹa namaxashec piguem le'ec, nataqa'en ỹataqta na'axannec da la'aqtac, 'eeta': «Da huo'o ca ỹo'oxoreetac ñi shiguiỹac leguemaxaic qataq som lqui'i ñimaye qataq da huo'otaq ỹasheeta da qaỹauo'o ca na'anaxat na latap, huo'otaq na lhuaq,

Mateo 26:52

Qalaxaye So Jesús 'enapega somaye, 'eeta': «'Oxot na 'ainec, cha'aye ca dalaataxana ca ỹeelonec, nache camaye qaira'a nataqa'en ca ỹeelonec da qaỹalauat.

Oseas 1:4

Nache Ñim Nataxala' 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Jezreel, cha'aye sa ñaỹaloxon da sauo'o ca nhuaxanaguec na chegoxoguetpi so nta'a Jehú, souaxat da ỹataqta qalota so lalaatacpi co'ollaq huaña ye Jezreel, yaqto' nache loga't ñaqa'en da lo'onataxanaxac da nta'a na Israel.

Salmos 59:11

Qalaxaye saishet qome da 'aualauat namayepi, yaqto' na ỹalamaxat ihuo' le'ecpi saishet da icoua'ai de'era. Nacherata da 'aurolec da 'ara'añaxac da 'aulagaxattac, qataq huetaiya' 'anqa'en. ¡'Am Nataxala', nache 'am maye 'am qarpaqtaxanaxat!

1 Reyes 16:7

Qaq Ñim Nataxala', 'enapega co'ollaxa so Jehú, maye llalec so Jananí da yaqto' 'enapega so Basá, qataq so llalaqpi souaxat da 'enauac na ỹo'otpi ỹataqta saỹaỹamaxaren, qataq inogoqchet Ñim Nataxala', cha'aye 'enauac na ỹo'otpi da 'eeta'am na ỹo'otpi co'ollaxa so Jeroboán qataq so llalaqpi maye nmichiguiñi naqa'en co'ollaxa Ñim Nataxala'.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Levítico 26:24

nache Aỹem qome nataqa'en, qaltaq siete da she'eguelaxalec da qami' seuaxa'n souaxat da qaye'etaxalqoi.

Levítico 26:21

Nache da ñaq 'eetalec da Aỹem qandaqaitapeeguet, qataq saishet da Aỹem qaualaqaiguet. Qaq huaña, nache qaltaq siete da she'eguelaxalec qome da qami' seuaxa'n souaxat da qaye'etaxalqoi.

Levítico 26:18

Qaq da ñaq 'eetalec da saishet da Aỹem qaualaqaiguet, nache siete da she'eguelaxalec da qami' seuaxa'n souaxat da qaye'etaxalqoi.

Proverbios 6:31

qaq da qaỹauanalec da decachetac, nache camaye iuen da siete da ỹe'eguelaxalec da isheeten ca lcachaxat, qataq ivira'a da ỹanec 'enauac ca lalamaxatpi.