Génesis 4:14 - La'aqtaqa Ñim Lo'onatac 'Enauacna 2013

¹⁴ Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Génesis 4:14 Referans Kwoze

Números 35:19

Qaq ca ỹataqta lalamaxat lauo' le'ec que'eca nalaatac, nacheca ca ishet da ipalaique lvi' da ỹalauat que'eca laataxanaxaic da ivita da ilalec.

Salmos 143:7

'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.

Proverbios 28:1

Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

Deuteronómio 28:65

Qaq qom ñaq qonetaigui que'eca ỹotta'at shiỹaxauapi nache qaica qome ca 'arlagaxayec, qataq 'anmataxac, cha'aye Ñim Nataxala' 'am ỹo'otec qome da 'arcolanaxa, qataq daquigoi' naua 'ara'ai'te qataq qaica qome ca 'ara'añaxac.

2 Ts 1:9

Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Jeremías 52:3

Qaq ỹoqo'oye Ñim Nataxala' dalemataỹa co'ollaxa ye Jerusalén qataq ye Judá, nache ỹo'orauec. Qaq ime co'ollaxa nache so Sedequías mpa'aguene' so nta'a ye Babilonia.

Números 35:27

nache ca lauo' le'ec ca ileu maye ipaltaique lvi', da ilalec camaye da huetauga ca pa'auec ca lle'eguenaqa', nache ishet da ỹalauat, qalaxaye qaica ca lasouaxashet camaye.

Números 35:21

huo'otaq da souaxat da nache 'eetai' da npa'agueetague', nache ỹauota'a ana napocna da iuaxan, nache da ileu naqa'en camaye, nache que'eca deque'emaqtaxan camaye laataxanaxaic, qaq camaye nache qaỹalauat. Qalaxaye ca ỹataqta lalamaxat lauo' le'ec que'eca qaỹalauat, nacheca ca ishet da ipalaique lvi' da ỹalauat que'eca laataxanaxaic da ivita da ilalec.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Oseas 13:3

Qaq ỹoqo'oye namayepi 'eeta'am na sheue ye nte'eta, qataq 'eeta'am na 'aỹa, da ña nte'etom nache qaica, qataq 'eeta'am na 'auaqpi da ỹache na la'at lta'araic, qataq 'eeta'am na nmala'q da quisheguemgue ca lliguisheguem da huaỹoxoosheguem.

Isaías 8:22

qataq ilolec qome ana 'alhua qalaq nda'a't da nachoxoyec qataq ca napalaxa da ilota'a, nache imauec qome da huetaigui ca napalaxa.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Salmos 109:12

Qataq qaica ca nqouaguec, qataq qaica ca ichoxoren na llalaqpi maye saploqpi.

Salmos 109:10

Nache chochaq tatacra' ca llalaqpi qataq dashelaxaatac, qataq ca'ai qanqa'en ca mashe nlaguiñi lma' da nmitaique ca aloq.

2 Samuel 14:7

Qaq nagui, 'enauac na ihuo' le'ecpi aỹem dataỹa'aguet, quetapegueua'a da saneuo so no'onañi ỹalec maye ỹalauat ye lqaỹa, yaqto' qaipalaique lvi' yem ỹalauat somaye, qataq qaica qanqa'en ca no'onañi da yaqto' lalamaxat 'enauac nam nogoxoshetpi. Huaña qome nache imeuo da ñaquitaxac, qataq pal da le'enaxat ye ihua, cha'aye qaica ca ỹache da le'enaxat yemaye, qataq qaica ca no'onañi llalec ana 'alhua.

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Génesis 3:24

Qaq co'ollaq ime da ỹo'orauec so shiỹaxaua, nache da pa'aigui da nala' lliguisheguem yem nanaxanaqa' maye huaigui ye Edén, ỹanaleguete soua huo'o da lca'alaqa' maye huo'oi naua laua't, qataq som ỹeelonec 'ettaigui maye coleetagui, da yaqto' saishet da huo'o ca ivireua'a aso qo'oipaq, maye chegaqaigui da nca'alaxa.

Génesis 4:13

Qaq huaña, nache so Caín ỹasateguet Ñim Nataxala', 'eeta': «Aỹem, saishet da ñalo'oguet de'era lta'araic ñeuaxanaguec.

Deuteronómio 28:64

Ñim Nataxala' 'am ilagaxatoigui qome ca ỹotta'a't shiỹaxauapi ana 'alhua, qaq huaña qome nache 'anatameetacot ca ỹaqa'a atamnaxala'pi maye 'epaq, qataq coma' maye 'am qataq so hua'au 'arta'alpi sa ỹauatton.