Génesis 4:13 - La'aqtaqa Ñim Lo'onatac 'Enauacna 2013

¹³ Qaq huaña, nache so Caín ỹasateguet Ñim Nataxala', 'eeta': «Aỹem, saishet da ñalo'oguet de'era lta'araic ñeuaxanaguec.

Génesis 4:13 Referans Kwoze

Da na'aqtaguec so Job 15:22

Camaye qaica ca naquitaxac da ỹet na napalaxa, qataq taỹa'a da qairolec na ỹeelonec.

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Génesis 4:14

Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Ezequiel 16:58

Qaq nagui qalaq iuen da 'anque'etaxangui da 'anhuaxanaguec souaxat nam qauem, qataq qaiqaiga maye 'auo'otpi. Qaq 'era da ỹa'aqtac Aỹem Nataxala'.»