Génesis 39:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»

Génesis 39:9 Referans Kwoze

2 Samuel 12:13

Nache so David, da'aqtaxanem so Natán, 'eeta': Aỹem, huo'o da ỹasouaxashet hueto'ot Ñim Nataxala'. Nache so Natán, 'enapeco': Ñim Nataxala', mashe ỹapalaxat da 'arasouaxashet, qaq saishet da 'aleu qome.

Génesis 42:18

Qaq so na'a'q tres, nache 'enapegalo' soomaye, 'eeta': «Aỹem huo'o da icolanaxa Ñim Lo'onatac 'Enauacna. Qaq ỹoqo'oye no'on da qauo'oche da ỹa'aqtac yaqto' qarca'alleeuec:

Génesis 20:6

Nache Ñim Lo'onatac 'Enauacna ỹasateguet somaye huaigui so lchoxonaxac, 'eeta': «Aỹem saỹateeta da ỹataqta qaica ca 'auauotaique da 'auo'ot de'era. Ỹoqo'oye saishet da 'am sasheetem da 'arauañi' añimaye, yaqto' saishet da Aỹem huo'ot ca 'arasouaxashet.

1 Juan 3:9

Qaica ca llalec Ñim Lo'onatac 'Enauacna da queto'ot da ỹo'ottac na lasouaxashetpi, cha'aye dam achaalataxac maye hueto'ot, chegoqo'ot Ñimaye. Qaq ỹoqo'oye que'eca shiỹaxaua saishet da queto'ot da ỹo'ottac da lle'etaxaloxo, cha'aye ỹataqta llalec Ñim Lo'onatac 'Enauacna.

Lucas 12:48

Qalaxaye cam namaxashec maye ỹoqta 'itchiguiñi da sa ỹaỹaten cam ỹo'ottac maye ishet da chegaqaigui da huo'o qanqa'en ca nhuaxanaguec, qaq camaye saq 'amaqtaq qome ca nhuaxanaguec. Ñim Lo'onatac 'Enauacna ỹataqta qami' ỹauoteque, ỹoqo'oye nataqa'en iuen da qauauochec Ñimaye. Qaq de'era 'eetec da Ñimaye qami' ỹachaxanalo da lqouagaxanaqtaic, qaq nataqa'en Ñimaye qami' iuatta'alo da qauachaxañi nataqa'en da qarqouagaxanaqtaiqui da qauo'onataxañiỹot Ñimaye.

Salmos 51:4

Qaq nachaq 'amta da 'am hueto'ot na ỹasouaxashetpi, aja', nachaq 'amta, cha'aye so'ot co'ollaxa na qauemsat, nam sa 'auaỹamaxaren da qaỹo'ot. Qaq ỹoqo'oye naua 'arhuaxanaxanaxaco ỹataqta nalochiyiñi, ỹataqta 'am saqaimaqpec da huo'o ca 'anmit.

1 Corintios 4:2

Qaq cam huo'o ca qaipataxalec no'onataxanaxac camaye iuen da ỹataqta npe'et.

Jeremías 50:7

Na mpa'aguenaxauapi naxa da ilalec, nache chec nache, 'eeta': ‹Saishet da qarasouaxashet damaye, cha'aye namayepi huo'o da lasouaxashet hueto'ot Ñim Nataxala', maye qaica ca iueetaique naqa'en namayepi, qataq hueto'ot da naquitaxac som hua'au lta'alpi.›

Jeremías 28:16

Qaq ỹoqo'oye Ñim Nataxala', 'eeta': ‹Aja', Aỹem 'am samaq, qalaxaye 'am samaq da yaqto' 'am sapalaxat ana'ana 'alhua. Qaq nachena ne'ena vi'i, nache 'am 'aleu, cha'aye 'auo'otec ne'ena shiỹaxauapi da Aỹem dataỹa'aguet.›»

Da na'aqtaguec so Job 31:23

Cha'aye aỹem ỹataqta huo'o da 'enec ñaqa'en Ñim Lo'onatac 'Enauacna, souaxat da lhuaxanaxanaxac, souaxat da sa ñalo'oguet da la'amaqchec Ñimaye.

2 Samuel 11:27

Qalaxaye co'ollaq ime dam lasouaxac asomaye, nache so David damaxasoxoneuga asomaye da yaqto' qaỹauegueua'a so lma' lta'araic, nache so David ỹauo'o lhua asomaye, qaq co'ollaq qaỹata'ague de'era, nache asomaye ñiguiñi so llalec. Qalaxaye Ñim Nataxala', ỹataqta sa ỹaỹamaxaren de'era ỹo'ot so David.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Levítico 6:2

«Qaq da huo'otaq huo'o ca shiỹaxaua da npe'eeleguete naua lamaxasoxonaxaco Ñim Nataxala', souaxat da ỹatenachet ca lỹa, qataq ỹoxooñi ca nogoxoshet maye qaicotano'ot da ilo'ogue, huo'otaq da ỹoqta decachiỹa, huo'otaq da deuotaxanec ca lalamaxat ca lỹa,

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Tito 2:10

Qataq saishet da decache. Nachaqrata da ỹataqta npe'et, yaqto' 'enauac qaila'a da lyac da lapaxaguenataxanaxac Ñim Lo'onatac 'Enauacna maye Qarca'alaxaqui.

Proverbios 6:29

Qataq ca lauañe' aca ỹaqa'a 'alo, qalaq camaye saishet da saqca ca nhuaxanaguec.

Nehemías 6:11

Qalaxaye aỹem sheeta': «Cam ỹale maye 'eeta'am aỹem, saishet da datauec, qataq saishet da nqo'ona da nqañoxotoigui aca atamnaxaqui da yaqto' nca'alec. ¡Aỹem saishet da ñeqañoxottapiguiñi!»

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Génesis 41:40

Qaq nagui aỹem, 'am sepataxalec da 'aulo'ogue na ima' lta'araic qaq 'enauac qome na ihuo' le'ecpi da ỹalaxalec cam 'aramaxasoxonaxac. Qaq chaqaỹemta qome da 'am ñapactelec, cha'aye nachaỹem nta'a.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Génesis 24:2

Qaq huo'o so na'a'q, nache iỹaxaneuga so ỹataqta ỹa'axaiquiolec som lamaxashecpi, som ilotague' 'enauac so lalamaxatpi somaye, nache 'enapega, 'eeta': «'Auacho'ot na 'arhuaq na itele'eta,

Génesis 20:3

Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Génesis 20:9

Qaq ime co'ollaxa, nache so Abimelec iỹaxaneuga so Abraham, nache 'enapega, 'eeta': «¡Ña 'aula'a dam qomi' 'auo'oteque! ¿Negue't cam 'am so'otec qauem da yaqto' aỹem 'auasaxalec da lta'araic ỹasouaxashet, qataq na selotague' shiỹaxauapi? De'era aỹem 'auo'otec, damaye saỹaỹamaxañi.»

Génesis 39:10

Qaq na'aictaxa da 'enauaque soua na'axa'te da asomaye dequicto'ot da lauañi' so José, qataq da nache huetaua'a na laỹe, qalaxaye somaye saishet da ỹoqocha'a.

Éxodo 20:14

Saishet da 'arauañi' aca sa 'arhua.

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.