Génesis 39:4 - La'aqtaqa Ñim Lo'onatac 'Enauacna 2013

⁴ Qaq de'era, nachera da ỹo'ot da som na'aco' so José, ỹataqta ỹauotec somaye, qaq ỹoqo'oye nache ỹauo'o ltaua somaye, qataq ipataxalec da ilo'ogue so lma', qataq 'enauac som logoxoshetpi somaye.

Génesis 39:4 Referans Kwoze

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Proverbios 27:18

Ca ntela'a aca higo lcheyec camaye chec qome ana ala acamaye, qataq ca ntela'a ca na'aco' camaye huo'o da ño'oxonnataguec.

Génesis 39:8

Qalaxaye so José saỹaỹamaxaren co'ollaxa damaye, nache 'enapego' asomaye, 'eeta': «'Am 'auaỹateeta da so ña'aco' aỹem ipataxalec da selo'ogue 'enauac nam logoxoshetpi. Qaq nagui da soota'a ne'ena, nache somaye qaica ca lhuogoxo.

Génesis 24:2

Qaq huo'o so na'a'q, nache iỹaxaneuga so ỹataqta ỹa'axaiquiolec som lamaxashecpi, som ilotague' 'enauac so lalamaxatpi somaye, nache 'enapega, 'eeta': «'Auacho'ot na 'arhuaq na itele'eta,

Génesis 19:19

Qami' mashe lta'araic da qarqouagaxanaqtaiqui aỹem, qataq ỹataqta sa qalota da qarsoxoyiqui da aỹem qarca'alaxachiiuec, qalaxaye aỹem saishet da ñeqo'ona aye qasoxonaxapi. Cha'aye de'era nlaqtaxanaxac, ishet qome da aỹem iviralec da huangui na nqa'aic nache seleu.

Proverbios 22:29

Ca shiỹaxaua ỹaỹamaxatchiguiñi ca lo'onataxanaxac, nache camaye ivitta'a da do'onataxanot na nta'alpi, qataq saishet da na'aco' ca qaica la'amaqchec.

Proverbios 17:2

Ca nlatac sanqalat ivitta'a da ỹamaqtac ca ñalec maye saỹalaq, qataq camaye ivitta'a da nhuanaua'a na lalamaxatpi na lqaỹañecpi so saỹalaq.

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Génesis 18:3

nache 'eeta': «'Am Ỹataxala', 'am ñachoxonnot da aỹem 'arqouaguec, saishet qome da sa 'anaỹaloxon da qojec.

Proverbios 14:35

Ca nlatac maye sanqalat camaye lauotaxat ca nta'a, qaq ca 'enaqaic qalaq lquiỹaxat camaye.

1 Samuel 16:22

Nache so Saúl ỹamaxa da la'aqtac so Yesé, nachoxoreetot da ỹasheeta so David da nache neto'ot somaye, cha'aye ỹataqta ỹauotec, nache ỹauo'o lamaxashec.

Génesis 33:8

Qaq huaña nache so Esaú denataxan, 'eeta': «¿Negue't cam qonetapeguec som shiguiỹacpi maye ñateetapeeguet?» Nache so Jacob, ỹasateguet somaye, 'eeta': «Qomye sauotaique da chegoqchigui somayepi da aỹem 'auchoxoren.»

Génesis 32:5

qaq huo'o nagui ana ilo huacapi, qataq na 'ashenapi, qataq ana qaguetapi, qataq na ỹamaxashecpi, qataq ana ỹamaxashepi. Qaq 'am samaxa de'era ỹa'aqtac, 'am ỹataxala', cha'aye sauotaique da aỹem 'auchoxoren.»

Génesis 15:2

Qalaxaye so Abram 'enapeco': «'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»

1 Reyes 16:9

qalaxaye so Zimri maye lamaxashec somaye, som ilotague' aso laỹepi naigonapi maye alaataxaquipi, somaye dataỹa'aguet co'ollaxa so Elá. Nache so Elá co'ollaq hueta'a ye Tirsa, nache nỹomtac, nache ivira'a da ỹataqta taxaic, hueta'a so lma' so Arsa, maye ilotague' naxa so lma' lta'araic somaye,

Rut 2:6

Nache so ilotague' so deqataxaatacpi 'enapeco': Qomye ara'ara qa'añole nachara aram chegaqa'ague da Moab, aram nnaictague' aso Noemí.

1 Samuel 2:26

Qaq so nogotolec Samuel, nache nquictasheguem da llaxa, qaq Ñim Nataxala' qataq som shiỹaxauapi ỹataqta ỹaỹamaxareeta da lataxac somaye.

Ester 2:9

Qaq so Jegay ỹataqta ỹaỹamaxareeta co'ollaxa asa'aso qa'añole, qataq ỹauotec, qaq ỹoqo'oye so Jegay saỹaỹaloxon co'ollaxa da ipicten asomaye, ỹanem so no'on nallec, qataq ipataxagueta da huapegue' asomaye soua siete maye ỹataqta no'oñi asom namaxashepi maye hueta'a so lma' lta'araic so nta'a, qaq nache lỹata'ape naqa'en soomaye, co'ollaq nquigaxata som ỹataqta 'onaxaic nỹec som lma' lta'araic som 'alpi.

Proverbios 3:4

Yaqto' 'am huetalec da lqouagaxanaqtaic Ñim Lo'onatac 'Enauacna, qataq no'on da 'ana'aqtaguec da 'aualectaigui nam shiỹaxauapi.