Génesis 39:3 - La'aqtaqa Ñim Lo'onatac 'Enauacna 2013

³ Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.

Génesis 39:3 Referans Kwoze

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Génesis 30:27

Qalaxaye so Labán, 'enapeco': «Ñaq aỹem 'arqouaguec da nache qoueta'a ne'ena. Cha'aye aỹem saỹaten, chegoqchigui da iloxoc, da Ñim Nataxala' ỹauo'o da ñechoxonnataguec souaxat 'am.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

2 Crónicas 26:5

Qaq somaye ỹataqta npogoxoinapegue' da pi'iỹa'a Ñim Lo'onatac 'Enauacna, co'ollaq ñaq nca'altauec so Zacarías som ỹapaxagueetac co'ollaxa da huo'o naq 'enec naqa'en Ñim Lo'onatac 'Enauacna. Qaq so Uzías co'ollaq ñaq pe'etega Ñim Nataxala', nache Ñimaye ỹanem da l-lagaxayec.

1 Samuel 18:14

Nache so David loxonec naxa 'enauac so l-loquiaxauapi, cha'aye Ñim Nataxala' itauaatac somaye.

Génesis 21:22

Qaq nache huetoigui se'eso na'a'q, da so Abimelec nqo'ona so Abraham da detaxaỹapegue'. Qaq nnaictague' co'ollaxa so Ficol, som lataxala' so nalleppi. Nache so Abimelec 'enapego' so Abraham, 'eeta': «Qomi' selaqa'a da Ñim Lo'onatac 'Enauacna, 'am itauaatac 'enauac nam 'auo'otpi.

Génesis 26:28

Nache soomaye 'ena'apo': «Qomi' selaqa'a da Ñim Nataxala' 'am hueta'aguet, nache qomi' tachigui qarhuel da 'am ñeca'ataxa da 'am ñaỹamaxataxai'. Qaq que'eca qanaỹamaxataxac qome, 'eeta':

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

1 Corintios 16:2

Da iviteuga ca na'a'q la'auaxanec naua siete na'axa'te, nache ñi 'oonolec da qoñiita huo'o aca iỹotauga, qalaxaye acatai' nalotaua'a nachaca ỹaỹamaxat, yaqto' saishet da iuen da ỹoltaq qaime'eguet da qalapootega't aca ntaunaxanaqte qom qami' sevitalo.

Zacarías 8:23

Qaq que'eca na'a'q, na qalota ỹotta'a't shiỹaxauapi maye ỹotta'a't na la'aqtacpi, ỹacootaua'a qome ca lapo' laỹe ñi 'oonolec judío, nache 'enapega 'eeta': ‹¡Qomi' 'aua'aqta'alo da 'am seca'ataxague, cha'aye saỹatenaq da Ñim Lo'onatac 'Enauacna qami' hueta'agueta!›»

Nehemías 2:20

Nache aỹem sasategueta soomaye sheeta': Ñim Lo'onatac 'Enauacna maye ilotague' na piguem, Ñimaye qomi' ỹanema qome da huo'o ca ishet da semataq. Cha'aye maiche qomi' lamaxa'she, ỹoqo'oye nagui qaltaq ño'oxonaxasheguem namaye. Qalaxaye qami' saishet da qomi' sa qaualemaxache', cha'aye qaica ca qoñeec, qataq saishet da qananaquiite' na Jerusalén.

1 Crónicas 22:13

Qaq qom ỹataqta 'aualaxalec da 'auo'ot na lqataxacpi, qataq na lapaxañi lataxacpi Ñim Nataxala', maye ỹamaxalec co'ollaxa so Moisés da ỹanem na Israel le'ecpi, nache ỹataqta ỹaỹamaqchiguiñi qome 'enauac nam 'auo'otpi. Qaq ỹataqta 'ana'añaxat qome, ỹataqta 'aua'añaxachigui ye 'arhuel, qataq saishet da leuapigui da 'arvilỹaxac, qataq saishet da 'añe'etac.

1 Samuel 18:28

Qalaxaye so Saúl co'ollaq ila'a da Ñim Nataxala' hueta'aguet so David, qataq aso llale Mical ỹataqta 'eesa da ỹauotec somaye,

Génesis 39:23

qaq som ilotague' aso ncoñetaxanaxaqui, saiuen da nmittac som ilotague'pi so José, cha'aye Ñim Nataxala' hueta'aguet somaye, qataq nacheñi Ñim ỹo'ot da ỹaỹamaqchiguiñi 'enauac nam ỹo'otpi somaye.

Génesis 30:30

Cha'aye saq 'amaqtaq na 'ana'atetpi co'ollaq saxanaxa da ñevi', qalaxaye nagui namayepi nquiguec, cha'aye so ñevi', nache Ñim Nataxala' ỹauo'o da 'anchoxonnataguec, qalaxaye ¿chaq laguio', qaq so'onataxaalec na maiche ỹalamaxat ỹalaqpi?»

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 21:20

Qaq Ñim Lo'onatac 'Enauacna, nache hueta'aguet co'ollaxa so nogotolec, qaq somaye nache nquictasheguem da lañaxataxac, qataq nache netaña yem toolec 'alhua, qaq somaye ivira'a da ỹataqta ỹaỹaten da do'ogoxona na checnec.

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

2 Reyes 18:7

Nache Ñim Nataxala' ỹataqta hueta'aguet somaye, ỹoqo'oye 'enauac nam ỹo'otpi somaye ỹataqta ỹaỹamaqchiguiñi. Qaq so Ezequías, dataỹa'aguet co'ollaxa so nta'a ye Asiria, nache saishet da ỹalaxaguet somaye.

Génesis 21:23

Qaq ỹoqo'oye nachena ne'ena souaqta'a nagui, da huaña da 'aỹa'anot ca 'ara'aqtac Ñim Lo'onatac 'Enauacna, da saishet da aỹem 'auo'otec qome ca qauem, qataq na ỹalaqpi, qataq ca aỹem chegoxoguetpi, 'aỹa'an ca 'ara'aqtac da aỹem 'auo'otec cam no'on, 'eeta'am da sheetec co'ollaxa 'am, qataq nataqa'en 'auo'otec cam ỹaỹamaqchiguiñi nam shiỹaxauapi maye hueta'a ne'ena 'alhua maye qonetaña nagui.»

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

1 Samuel 3:19

Qaq so Samuel, nache nquictasheguem da llaxa, qaq Ñim Nataxala' nache hueta'aguet somaye, qataq ipacchigui naqa'en 'enauac nam la'aqtacpi maye ỹanem co'ollaxa somaye.

1 Crónicas 9:20

Qaq co'ollaq saxanaxa de'era, nache so Finés, som llalec so Eleazar, nacheso so lataxala' somayepi. Qaq Ñim Nataxala', ỹataqta hueta'aguet naxa somaye.

2 Crónicas 1:1

So Salomón, som llalec so David, co'ollaq mashe naỹamaxalec da lo'onataxanaxac, nache Ñim Nataxala' maye Natamnaxala' nache hueta'aguet somaye qataq ỹo'ot da ỹataqta lta'araic da la'amaqchec qataq da la'añaxac.