Génesis 39:20 - La'aqtaqa Ñim Lo'onatac 'Enauacna 2013

²⁰ qaq huaña nache ỹaconeua'a so José da icoñi', ime nache damaxasoxoolec da qoỹanaigui aso ncoñetaxanaxaqui, asom netaigui so lcoñeteguishecpi so nta'a. Qaq na'aictaxa da so José netaigui aso ncoñetaxanaxaqui,

Génesis 39:20 Referans Kwoze

Génesis 40:15

Cha'aye aỹem choche aỹem qaicachiỹa co'ollaxa, aỹem qaỹachegoxotchiguiña ye na'alhua na hebreopi, qaq ne'ena soota'a qaica ca so'ot saỹaỹamaxañi da yaqto' aỹem qoỹaataigui ana ncoñetaxanaxaqui.»

1 Pedro 2:19

Ñim Lo'onatac 'Enauacna ỹaalec da nqouagaxa nam souaxat da ỹalaxaguet Ñimaye, nache huo'o da nque'eenaxac maye choche qaỹo'otec qataq na'añaxateguet.

2 Timoteo 2:9

Qaq nachera da huo'omshe huo'o da ñeque'eenaxac, choche sevitta'a da aỹem qaicoñettai', sheeta'am ca qalota na lasouaxashet. Qalaxaye da la'aqtac Ñim Lo'onatac 'Enauacna saishet da qaicoñettai'.

Isaías 53:8

Co'ollaq qaỹaconeua'a qalaq ỹataqta saqairen qataq qaica co'ollaxa ca iueelec, qataq qaica ca qochetega somaye. Qataq qanqateeguesop ana 'alhua, nache qaỹalauat souaxat na lasouaxashetpi na ỹalamaxat nhuo' le'ecpi.

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Hebreos 11:36

Qalota so shiỹaxauapi ỹe'eetac somayepi, qataq sa iyacnapec qataq iviraxata'a da ỹanaigui ana ncoñetaxanaxaquipi.

Jeremías 37:15

Nache somayepi ỹataqta dalemataỹa co'ollaxa so Jeremías, nache damaxasoxoolec da qaiuaxan, qataq qaicoñe', qoỹanaigui so lma' so neraxanaxanec Jonatán, som qaỹo'otchigui co'ollaxa da ncoñetaxanaxaqui.