Génesis 39:2 - La'aqtaqa Ñim Lo'onatac 'Enauacna 2013

² Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Génesis 39:2 Referans Kwoze

1 Samuel 18:14

Nache so David loxonec naxa 'enauac so l-loquiaxauapi, cha'aye Ñim Nataxala' itauaatac somaye.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Génesis 26:28

Nache soomaye 'ena'apo': «Qomi' selaqa'a da Ñim Nataxala' 'am hueta'aguet, nache qomi' tachigui qarhuel da 'am ñeca'ataxa da 'am ñaỹamaxataxai'. Qaq que'eca qanaỹamaxataxac qome, 'eeta':

Génesis 21:22

Qaq nache huetoigui se'eso na'a'q, da so Abimelec nqo'ona so Abraham da detaxaỹapegue'. Qaq nnaictague' co'ollaxa so Ficol, som lataxala' so nalleppi. Nache so Abimelec 'enapego' so Abraham, 'eeta': «Qomi' selaqa'a da Ñim Lo'onatac 'Enauacna, 'am itauaatac 'enauac nam 'auo'otpi.

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

1 Samuel 16:18

Nache huo'o so 'oonolec somayepi, 'eeta': Aỹem huo'o so sauatton na llalaqpi so Yesé, maye naña ye Belén, da ỹataqta ỹaỹaten da lvicnaxanaxac, qataq somaye ỹataqta 'añaxaic da loquiaxac, qataq ỹaanaxanaxaic da detaqa, qataq ỹataqta nalochiguiñi da lataxac, qataq hueta'aguet Ñim Nataxala'.

1 Samuel 3:19

Qaq so Samuel, nache nquictasheguem da llaxa, qaq Ñim Nataxala' nache hueta'aguet somaye, qataq ipacchigui naqa'en 'enauac nam la'aqtacpi maye ỹanem co'ollaxa somaye.

1 Samuel 18:28

Qalaxaye so Saúl co'ollaq ila'a da Ñim Nataxala' hueta'aguet so David, qataq aso llale Mical ỹataqta 'eesa da ỹauotec somaye,

1 Timoteo 6:1

'Enauac na 'amqaanataxanaxaicpi maye nlatacpi, iuen da ỹaỹaten da ỹauo'o naq 'enec ca na'aco'; yaqto' qaica ca qauem da ltaxaỹaxac da detaqtega Ñim Lo'onatac 'Enauacna, huo'otaq da napaxaguenataguec nam quetague' So Cristo.

Hechos 8:31

Nache se'eso ỹale maye 'amaqtaqaic 'enapeco': –¿Ca 'eeteco' da saỹaten ca llec yemaye, ye saishet da huo'o ca aỹem ỹapaxaguenec? Nache somaye 'enapego' so Felipe da huenotsheguem da nqota'ai'.

Génesis 21:20

Qaq Ñim Lo'onatac 'Enauacna, nache hueta'aguet co'ollaxa so nogotolec, qaq somaye nache nquictasheguem da lañaxataxac, qataq nache netaña yem toolec 'alhua, qaq somaye ivira'a da ỹataqta ỹaỹaten da do'ogoxona na checnec.

Génesis 39:3

Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.

Génesis 39:23

qaq som ilotague' aso ncoñetaxanaxaqui, saiuen da nmittac som ilotague'pi so José, cha'aye Ñim Nataxala' hueta'aguet somaye, qataq nacheñi Ñim ỹo'ot da ỹaỹamaqchiguiñi 'enauac nam ỹo'otpi somaye.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

2 Reyes 18:7

Nache Ñim Nataxala' ỹataqta hueta'aguet somaye, ỹoqo'oye 'enauac nam ỹo'otpi somaye ỹataqta ỹaỹamaqchiguiñi. Qaq so Ezequías, dataỹa'aguet co'ollaxa so nta'a ye Asiria, nache saishet da ỹalaxaguet somaye.

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

1 Crónicas 9:20

Qaq co'ollaq saxanaxa de'era, nache so Finés, som llalec so Eleazar, nacheso so lataxala' somayepi. Qaq Ñim Nataxala', ỹataqta hueta'aguet naxa somaye.

2 Crónicas 1:1

So Salomón, som llalec so David, co'ollaq mashe naỹamaxalec da lo'onataxanaxac, nache Ñim Nataxala' maye Natamnaxala' nache hueta'aguet somaye qataq ỹo'ot da ỹataqta lta'araic da la'amaqchec qataq da la'añaxac.