Génesis 39:12 - La'aqtaqa Ñim Lo'onatac 'Enauacna 2013

¹² nache asomaye ỹaconeua'alo soua alogo da nllañi somaye, nache 'enapego', 'eeta': «Aỹem 'arauañi'.» Qalaxaye so José, pa'auec nache datauec, no'onaxatchiguilo soua alogo da nache hueto'oto asomaye.

Génesis 39:12 Referans Kwoze

2 Timoteo 2:22

Saishet da 'am ỹauectac da lqopitaxanaqtaic da 'annogotshec. 'Am mashe 'am nsoq, qaq ỹoqo'oye qoca'ai namayepi, nache 'analemaqte' da 'auo'ot ca ỹaỹamaqchiguiñi. Qataq 'anmitaique qome da 'eesa lataxac qataq da nsoxoyec qataq da nlagaxayec qataq 'auauaxaiguet 'enauac nam huesota da lquiyaqteỹaxac da ỹo'oxoreetac Ñim Lo'onatac 'Enauacna qataq pi'iỹa'a Ñimaye.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.

Proverbios 6:5

'auatauec qome qoneta'am aca ñi'imshe da dataueeguesop ca 'ipiaxaic, 'auatauec qome qoneta'am ca qoỹo da dataueeguesop aca nqoina.

Proverbios 5:8

Qaỹoqta qome 'anqa'en aca ỹaqa'a 'alo, qataq saishet da saqaỹapeque 'anqa'en ca lasom ca lma',

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Génesis 39:10

Qaq na'aictaxa da 'enauaque soua na'axa'te da asomaye dequicto'ot da lauañi' so José, qataq da nache huetaua'a na laỹe, qalaxaye somaye saishet da ỹoqocha'a.

Génesis 39:8

Qalaxaye so José saỹaỹamaxaren co'ollaxa damaye, nache 'enapego' asomaye, 'eeta': «'Am 'auaỹateeta da so ña'aco' aỹem ipataxalec da selo'ogue 'enauac nam logoxoshetpi. Qaq nagui da soota'a ne'ena, nache somaye qaica ca lhuogoxo.

Proverbios 1:15

Qalaxaye 'am ỹalcolec, saishet qome da 'auca'ategue namayepi, qataq saishet da qoquegue de'era qauem nqa'aicỹaxac camayepi,

1 Samuel 15:27

Qalaxaye so Samuel co'ollaq ncolliiñi da temaq jec, nache so Saúl ỹacona'ague na laỹe so lapo', nache colaqa'ague naqa'en.

Génesis 39:11

Qalaxaye huo'o so na'a'q, nache so José taigui so nỹec da yaqto' ỹo'ot so lo'onatac, qaq cha'aye qaica ca lỹa da hueta'a se'eso nỹec,

Génesis 39:13

Qaq asomaye co'ollaq ila'a da somaye inoxonec, qataq no'onaxatchiguilo soua alogo,

2 Samuel 13:11

Qaq co'ollaq nquigueua'a somaye da iquia'axan, nache nllañi asomaye, nache 'eeta': 'Am ỹaqaỹole, 'aỹala, aỹem 'arauañi'.