Biblia Todo Logo
Bib sou entènèt

- Piblisite -




Génesis 39:10 - La'aqtaqa Ñim Lo'onatac 'Enauacna 2013

10 Qaq na'aictaxa da 'enauaque soua na'axa'te da asomaye dequicto'ot da lauañi' so José, qataq da nache huetaua'a na laỹe, qalaxaye somaye saishet da ỹoqocha'a.

Gade chapit la Kopi




Génesis 39:10
21 Referans Kwoze  

Qalaxaye so José saỹaỹamaxaren co'ollaxa damaye, nache 'enapego' asomaye, 'eeta': «'Am 'auaỹateeta da so ña'aco' aỹem ipataxalec da selo'ogue 'enauac nam logoxoshetpi. Qaq nagui da soota'a ne'ena, nache somaye qaica ca lhuogoxo.


Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.


Saishet da 'am ỹauectac da lqopitaxanaqtaic da 'annogotshec. 'Am mashe 'am nsoq, qaq ỹoqo'oye qoca'ai namayepi, nache 'analemaqte' da 'auo'ot ca ỹaỹamaqchiguiñi. Qataq 'anmitaique qome da 'eesa lataxac qataq da nsoxoyec qataq da nlagaxayec qataq 'auauaxaiguet 'enauac nam huesota da lquiyaqteỹaxac da ỹo'oxoreetac Ñim Lo'onatac 'Enauacna qataq pi'iỹa'a Ñimaye.


Qataq saishet da qauacoñiiguet 'enauac na ỹotta'a't sa ỹaỹamaxañi.


Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»


Ỹoqo'oye saishet da qoquiitaigui da qarquisheguetaxaqui. Na laỹepi sa ỹaỹamaxañi maye ishet da ỹo'ot ca shiỹaxaua, namayepi saishet da na'aqchet da lo'ocỹaxac. Qalaxaye cam quetaigui da lquisheguetaxac, camaye maiche na'aqchet da lalamaxat lo'ocỹaxac.


cha'aye aca 'alo quisheguetaxai 'eeta'am aca qaỹoqchiguingui nshere, qataq aca ỹaqa'a 'alo 'eeta'am aca sa lcagui nshere,


Naua la'aqtaqa aca 'alo maye lauañi' ca sa lhua, 'eeta'ama aca ỹataqta qaỹoqchiguingui nshere, aca nshere maye Ñim Nataxala' tangui naqa'en ca ỹauo'o da nhuaxanaguec.


Yaqto' naamaye 'am ntelaqna'agueta aca 'alo maye lauatapiguiñi' ca sa lhua, qataq aca ỹaqa'a 'alo maye datenataxa'n naua la'aqtaqa.


Qaỹoqta qome 'anqa'en aca ỹaqa'a 'alo, qataq saishet da saqaỹapeque 'anqa'en ca lasom ca lma',


Cha'aye naua la'aqtaqa aca 'alo 'etaxaloxoi ỹataqta huo'o da lamai'c, qataq da lavilỹaxac ỹataqta isotta,


Qataq nataqa'en 'am nca'alaxateeguesop aca ỹaqa'a 'alo, acam saqaỹauanapega maye amai' naqa'en naua la'aqtaqa,


Qalaxaye 'am ỹalcolec, saishet qome da 'auca'ategue namayepi, qataq saishet da qoquegue de'era qauem nqa'aicỹaxac camayepi,


«¡Ña qauanaỹeecna'a qami' nsoxoppi maye qaica ca qauaỹaañi!» Qataq ỹanem da la'aqtac na qaica ca ỹaỹaana'a, 'eeta':


Acamaye netoigui ca lasom ca lma' da nso'ootañi, qataq huo'o da nso'ootaña ca qaỹoqotcheguema pa'asheguem ca huaqta'a't nỹecpi,


Nache asomaye qapalot so nsoqolec nache napigoxoi', nache qaica ca da'actaique da 'enapega, 'eeta':


Ỹoqo'oye ana pa'ai maye saxanaxa da ỹe, 'onaxaic da qaltaq huaron, yaqto' huo'o ca llalec, qataq ishet da ilo'ogue ca lma'. Yaqto' qaica ca llegueuo ca depa'aguenataxaatac da huo'otaq ỹasaxalec ca sa ỹaỹamaxañi la'aqtac.


Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»


Qalaxaye huo'o so na'a'q, nache so José taigui so nỹec da yaqto' ỹo'ot so lo'onatac, qaq cha'aye qaica ca lỹa da hueta'a se'eso nỹec,


qataq acamaye 'eeta'am ca cachaxaic da dauanaxaatac, nache ỹo'ot da qalota na ỹalleppi na daqat naqa'en.


Swiv nou:

Piblisite


Piblisite