Génesis 38:9 - La'aqtaqa Ñim Lo'onatac 'Enauacna 2013

⁹ Qalaxaye so Onán, ye ỹaỹaten da ivita da huo'o ca chegoxoguetpi somaye, nache saishet da ỹoqta 'itchiguiñi da llalaqpi. Qaq ỹoqo'oye, naxa da hue'eguet aso pa'ai, nache ỹauo'o da lataxac da yaqto' asomaye saishet da hualaxai, yaqto' so lqaỹa saishet da huo'o ca chegoxoguetpi, da chegoqchigui somaye.

Génesis 38:9 Referans Kwoze

Santiago 4:5

¿Peta'a sa qaua'amaqchiñiỹo' da nanettalec ana nere maye huetalec na la'aqtacpi Ñim Lo'onatac 'Enauacna da 'eeta': «Ñimaye ỹataqta qomi' lauotaqa'ate»?

Santiago 3:16

Qaq ỹoqo'oye chegaqaigui da nca'alaxanaxac qataq da loquiaxac qataq 'enauac nam ỹotta'a't sa ỹaỹamaxañisat.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Santiago 3:14

Qalaxaye qami' da huo'o ca qauo'ocheetac da qauacheetaigui da qarquiỹaxanaqtaiqui qataq da qarca'alaxanaxaqui, nache qami' qoviitaigui da qaraquicoqoi qataq saishet da qauamaiỹapigui'; qaica ca ishet da ỹo'ot da qaramaicỹaxaqui, qataq saishet da qaviye da 'eesa lataxac.

Proverbios 27:4

Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Rut 4:10

Qataq da aỹem saroneguet qome aso Rut, asom Moab lashe maye lhua co'ollaxa ye Majlón, yaqto' yi'iye 'alhua nache 'eetai' da lalamaxat yemaye, yaqto' da le'enaxat ye Majlón saishet qome da pal da ỹalectaigui na lalamaxat lqaỹañecpi, qataq ne'ena nhuo' le'ecpi. Qaq nagui, qami' qauauañiichigui de'era.

Deuteronómio 25:6

Nache ca la'auaxanec llalec camaye da deco'oiguet aca llo'oxoua, ỹanagui da le'enaxat que'eca lqaỹa maye mashe ileu, yaqto' saishet da qaỹapalaxat da le'enaxat camaye na Israel.

Rut 1:11

Qalaxaye aso Noemí qaltaq 'enapegalo soomaye, 'eeta': ¡Qami' ỹalole, qavi'iguelaqai qome! ¿Ta'ainco' ye qansheetaique da aỹem qauca'acheegue? Ye aỹem mashe saishet da qaltaq huo'oi caua ỹalqa, da yaqto' qaltaq qauaroñiigueta.

Génesis 38:10

Qaq Ñim Nataxala', ỹataqta sa ỹaỹamaxaren da ỹo'ottac so Onán, qaq ỹoqo'oye nataqa'en somaye nqat da nachaalataxac.

Deuteronómio 25:5

Da huo'oi caua nqaỹa't da netraigui ca 'oonolec lma't, qaq da huo'otaq ileu ca 'oonolec caamaye, qaq aca lhua que'eca ileu da ñaq saxanaqca ca llalec, nache aca'aca 'alo maye pa'ai saishet qome da ỹaqa'a ca huaroneguet. Cha'aye que'eca lqaỹa so lhua maye ileu, nacheca qome ca huaroneguet acamaye, yaqto' ipacchigui da lataxac da qaỹaroneguet ca ño'oxoua.