Génesis 38:7 - La'aqtaqa Ñim Lo'onatac 'Enauacna 2013

⁷ Qalaxaye Ñim Nataxala', sa ỹaỹamaxaren co'ollaxa da qauem lataxac so Er, nache nqat da nachaalataxac.

Génesis 38:7 Referans Kwoze

1 Crónicas 2:3

Soua llalqa so Judá le'enaxa't Er, Onán qataq so Selá. Qaq se'esoua tres nache llalqa asom Canaán lashe maye llale co'ollaxa so Súa. Qalaxaye so Er, som llalec ỹe so Judá, ỹo'ot co'ollaxa nam ỹataqta saỹaỹamaxaren Ñim Nataxala', ỹoqo'oye Ñim Nataxala' nqat da nachaalataxac somaye.

Génesis 46:12

Qaq soua llalqa so Judá: Er, Onán, Selá, Fares qataq so Seraj. Qalaxaye so Er qataq Onán, ileu' co'ollaxa hueraña ye 'alhua Canaán. Qaq soua llalqa so Fares: Jesrón qataq so Jamul.

Números 26:19

Qaq soua llalqa so Judá, Er qataq so Onán ileu' co'ollaxa huaña ye Canaán.

Génesis 19:13

cha'aye qomi' selaxataxagui qome ne'ena nma'. Cha'aye ỹataqta qalota na ntaxaỹaxacpi souaxat ne'ena shiỹaxauapi maye hueta'a ne'ena huaqta'a't nỹecpi, nache iviro'ot Ñim Nataxala'. Qaq ỹoqo'oye Ñimaye qomi' nama'q da selaxataxagui namaye.»

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

2 Crónicas 33:6

Nataqa'en ỹavigaxa't soua llalqa da yaqto' lachetaqtaxanqa'ate huaña so ca'amegue ye Ben Jinón, qataq napaxaguena da qaiỹaxaneuga na lqui'ipi so leuaxaicpi, qataq da qailaviigui ca nỹa, qataq da qanquigaxat da lataxac camachaqca, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

Génesis 6:8

Qalaxaye Ñim Nataxala' nachesota so Noé da ỹaỹamaxareeta co'ollaxa.

Génesis 38:6

Qaq so Judá ỹaronaxanaxan co'ollaxa so Er som llalec ỹe, ỹaronaxanaxaneguet aso 'alo le'enaxat Tamar.

1 Samuel 2:25

Ca shiỹaxaua da nasouaxata'ai' ca lỹa, nache huo'o nam aloico lo'opi da nmit camaye, qalaxaye ca shiỹaxaua da nacheñi Ñim Nataxala' da hueto'ot ca lasouaxashet, ¿qaq negue't ca iueelec camaye?» Qalaxaye soomaye saishet co'ollaxa da ỹoqochetrega da la'aqtac so lta'a. Qaq ỹoqo'oye Ñim Nataxala' taỹa'a naqa'en da nqat da nachaalataxa'c soomaye.

1 Reyes 17:20

Ime, nache ỹataqta nlamaxaren da iỹaxanot Ñim Nataxala', 'eeta': «'Am Nataxala', maye 'Am Ñatamnaxala', ¿peta'a nataqa'en da 'auauo'o da nqui'ic aram pa'ai, maye sootaña na lma', da ileu 'anqa'en na llalec?»