Génesis 38:5 - La'aqtaqa Ñim Lo'onatac 'Enauacna 2013

⁵ Qaq asomaye qaltaq ỹe'eguelaxalec da huo'o so llalec, nache ỹanagui da le'enaxat Selá, som ñiguiñi co'ollaq so Judá netaña ye Quezib.

Génesis 38:5 Referans Kwoze

Números 26:20

Qaq so llalaqpi so Judá, nache chegoxogueta soua Selá, Fares qataq so Zeraj.

1 Crónicas 4:21

Qaq som chegoxoguetpi so Selá, som llalec so Judá, le'enaxat Er, som lta'a so Leca, so Ladá som lta'a, so Maresa, qataq so nhuo' le'ecpi maye ỹo'ottac co'ollaxa na lino huaña ye Bet Asbea,

Génesis 46:12

Qaq soua llalqa so Judá: Er, Onán, Selá, Fares qataq so Seraj. Qalaxaye so Er qataq Onán, ileu' co'ollaxa hueraña ye 'alhua Canaán. Qaq soua llalqa so Fares: Jesrón qataq so Jamul.

Génesis 38:26

Qaq so Judá co'ollaq ỹauatto'n soua maiche no'otaqa'ate, nache 'enapeco': «Acamaye ỹataqta ỹaỹamaqchiguiñi da ỹo'ot, qaq aỹem qalaq qauem da so'ot, cha'aye saishet da huaroneguet ñaqa'en so ỹalec Selá.» Qaq huaña, nache saishet da qaltaq ỹe'eguelaxa da lauañi' asomaye.

Génesis 38:11

Qaq huaña, nache so Judá 'enapega aso late Tamar, 'eeta': «Qonaña qome ca lma' ca 'arta'a, qaq nache qonetai' qome da 'am pa'ai, nato' qom ivita da ỹe ñi ỹalec Selá.» Qalaxaye so Judá, ye tatapigui lauel da so llalec Selá da nataqa'en ishet da ileu, da 'eeta'ama soua lqaỹa't. Nache aso Tamar jec co'ollaxa da naña so lma' so lta'a.

Génesis 38:6

Qaq so Judá ỹaronaxanaxan co'ollaxa so Er som llalec ỹe, ỹaronaxanaxaneguet aso 'alo le'enaxat Tamar.

Números 26:19

Qaq soua llalqa so Judá, Er qataq so Onán ileu' co'ollaxa huaña ye Canaán.

1 Crónicas 2:3

Soua llalqa so Judá le'enaxa't Er, Onán qataq so Selá. Qaq se'esoua tres nache llalqa asom Canaán lashe maye llale co'ollaxa so Súa. Qalaxaye so Er, som llalec ỹe so Judá, ỹo'ot co'ollaxa nam ỹataqta saỹaỹamaxaren Ñim Nataxala', ỹoqo'oye Ñim Nataxala' nqat da nachaalataxac somaye.