Génesis 38:2 - La'aqtaqa Ñim Lo'onatac 'Enauacna 2013

² Qaq huaña yemaye, nache ỹauatton aso llale so cananeo maye le'enaxat Súa, nache huaroneguet asomaye. Qaq co'ollaq qaỹata'ague da lhua asomaye,

Génesis 38:2 Referans Kwoze

1 Crónicas 2:3

Soua llalqa so Judá le'enaxa't Er, Onán qataq so Selá. Qaq se'esoua tres nache llalqa asom Canaán lashe maye llale co'ollaxa so Súa. Qalaxaye so Er, som llalec ỹe so Judá, ỹo'ot co'ollaxa nam ỹataqta saỹaỹamaxaren Ñim Nataxala', ỹoqo'oye Ñim Nataxala' nqat da nachaalataxac somaye.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

2 Corintios 6:14

Saishet da qa'aitapegueua'a nam ỹo'ottacpi nam saishet da quetague' So Cristo. Cha'aye da no'on saishet da taỹapegueua'a cam qauem. Nataqa'en saishet da huaqta'a't na yo'oqchiguiñi qataq na napalaxa.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Jueces 16:1

Huo'o so na'a'q nache so Sansón taỹa so huaqta'a't nỹecpi ye Gaza. Huaña, qaq ila'a co'ollaxa aso 'alo quisheguetaxai, nache nqo'oneua'a so lma' da lauañi' asomaye.

Jueces 14:2

Qaq co'ollaq ỹe'eguelaxa so lma', nache da'aqtaxanema soua lta'al, nache 'eeta': Aỹem sela'a aso 'alo filistea, huaña ye Timná, ỹoqo'oye sauotaique da qauỹaxañiiua'a asomaye da yaqto' saroneguet.

Génesis 46:12

Qaq soua llalqa so Judá: Er, Onán, Selá, Fares qataq so Seraj. Qalaxaye so Er qataq Onán, ileu' co'ollaxa hueraña ye 'alhua Canaán. Qaq soua llalqa so Fares: Jesrón qataq so Jamul.

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 6:4

Qaq huo'o co'ollaxa so logoraicpi shiỹaxauapi ana 'alhua, qataq co'ollaq so llalaqpi Ñim Lo'onatac 'Enauacna, huaroneguet aso llalpi so shiỹaxauapi, da yaqto' huo'o ca llalaqpi. Qaq somayepi nacheso som ỹataqta ỹo'oxoraicpi, qataq 'añaxaicpi soua hua'au' vi'iye.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Números 26:19

Qaq soua llalqa so Judá, Er qataq so Onán ileu' co'ollaxa huaña ye Canaán.

Génesis 28:1

Qaq huaña nache so Isaac, iỹaxaneuga so Jacob nache ỹanem da lchoxonnataxanaxa, qataq ỹanem de'era lqataxac maye, 'eeta': «Saishet qome da 'auaroneguet aca 'alo maye lma' ne'ena 'alhua Canaán.