Génesis 38:1 - La'aqtaqa Ñim Lo'onatac 'Enauacna 2013

¹ Qaq se'esoua na'axa'te, nache so Judá ca'ai so lqaỹañecpi da nqo'ona so lma' so ỹale le'enaxat Jirá, maye lma' co'ollaxa ye saq 'amaqtaq nỹecpiolec le'enaxat Adulán.

Génesis 38:1 Referans Kwoze

2 Reyes 4:8

Qaq huo'o so na'a'q co'ollaq so Eliseo taalec ye Sunén, nache huo'o aso 'alo ỹo'oxorai maye lma' yemaye, qaq asomaye ỹe'eguelaqto'ot co'ollaxa somaye da lquia'aqa' so lma'. Qaq huaña, nache so Eliseo da tateuga yemaye, nache saq ỹet da lquia'aqa' so lma' asomaye.

1 Samuel 22:1

So David datauec ca'ai ye Gat, nache nqo'ona so auac maye naña ye Adulán. Qaq so lqaỹañecpi qataq so laỹepi lauo' le'ecpi somaye co'ollaq ỹaỹaten, nache nqo'ona somaye.

Miqueas 1:15

Qaq qami' maye qarma'ai na Maresa, qaltaq huo'o qome ca qami' ñamaxalo da yaqto' qami' loxonqa, nache na ỹataqta nca'aguishecpi Israel le'ecpi qalaq datauec qome nache ỹe'eguenoigui na auacpi ye Adulán.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Josué 15:35

Jarmut, Adulán, Soco, Azecá,

Proverbios 9:6

Qaỹa'axañiiuec qome da qane'enaxaqui yaqto' qarca'alleeuec, qataq qoquiigue da llec da naỹaanataxanaxac.

2 Samuel 23:13

Qataq huo'o so na'a'q, maye huetoigui da qanqattac ana ala na nañiguishec, nache se'esoua tres se'eso treinta 'añaxaicpi, taỹa co'ollaxa so auac ye Adulán, maye hueta'a co'ollaxa so David. Qaq so alleppi filisteopi hueta'a co'ollaxa ye ca'amapega't ye Refayin.

Jueces 4:18

Nache aso Yael ca'atta'aguet co'ollaxa so Sísara, nache 'enapego', 'eeta': «'Aỹala 'am ỹataxala', 'aỹala, saishet da 'añe'etac.» Nache so Sísara pa'aigui co'ollaxa so npe'l, nache asomaye ỹoxooñi, ỹapolec so npo',

Josué 12:15

so nta'a ye Libna, qataq so nta'a ye Adulán,

Génesis 38:12

Qaq co'ollaq mashe qaỹoqteguelo soua vi'iye, nache ileu aso lhua so Judá, asom llale so Súa. Qaq co'ollaq mashe inoxonec da lasouaxac so Judá, nache nqo'ona ye Timnat, maye hueta'a so npetectac aso qaguetapi maye lalopi somaye, qaq nnaictague' co'ollaxa so nauochaxaua le'enaxat Jirá, som lma' ye Adulán.

Génesis 38:20

Qaq co'ollaq qaỹata'ague de'era nache so Judá, ỹamaq so quetaq llalec, ỹache naqa'en so nauochaxaua maye lma' ye Adulán, da yaqto' aso 'alo ỹe'eguelaxa't soua 'otaqa'ate, qalaxaye som nauochaxaua saishet co'ollaxa da ỹanata asomaye.