Génesis 37:9 - La'aqtaqa Ñim Lo'onatac 'Enauacna 2013

⁹ Qaq co'ollaq qaỹata'ague, nache so José qaltaq huo'o so lỹa lchoxonaxac, qaq nataqa'en da'aqtaxanema soua lqaỹa't, nache 'eeta': «Aỹem huo'o so lỹa ichoxonaxac, qaq se'eso ichoxonaxac selota'a aso nala', qataq so ca'agoxoic, qataq soua once huaqaañi, nache soomaye aỹem natameetracot.»

Génesis 37:9 Referans Kwoze

Génesis 37:7

Aỹem sechoxootega da 'enauaque qomi' souaqtauga so no'onaxa, so'otaqtac aso qoraqtapi na trigo. Qaq nque'elaxatta da aso ỹaqta nachaañi, nache ỹashequitcheguem, qaq soua qoraqtalli' coleesopa asomaye, nache soomaye naqto'oto aso ỹaqta.»

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Daniel 8:10

Qaq asomaye ye ỹataqta nquictasheguem, nache iviro'ot so alleppi maye hueto'ot na piguem, nache huo'o aso naañi naqa'en ana huaqaañipi, nache petapigui,

Génesis 47:12

Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.

Génesis 46:29

Qaq huaña nache so José damaxasoxoolec da qaỹaỹamaxaañi aso nnaigona, da yaqto' jec da huaqata'aguet so lta'a. Qaq co'ollaq ivireguet so lta'a, nache nqapale', nache nỹeetac. Qaq ỹataqta qaỹoqtec so nnoinaxac co'ollaq nqapalta'ai' so lta'a.

Génesis 45:9

Qaq no'on da sa qanaỹaloxoñi da qanqo'oñiỹa ca hueta'a cam ita'a, nache qaua'aqtaxañim camaye, qoñiita': Ñim 'aỹa'alec José 'eeta' da la'aqtac: Ñim Lo'onatac 'Enauacna aỹem ỹanagui da selo'ogue 'enauac na Egipto. Qaq sa 'anaỹaloxon qome da 'auanac, da yaqto' aỹem 'anauane'.

Génesis 44:19

'Am qomi' 'aunatta'ape co'ollaxa soua lỹa't na'axa'te, da huo'o ca qarta'a qataq da huo'o ca lỹa qarqaỹa,

Génesis 44:14

Qaq so Judá qataq soua lqaỹa't co'ollaq ivildeua'a so lma' so José, nache somaye ñaq hueta'a so lma'. Qaq huaña, nache soomaye ỹa'alyiñi naua l-llecte, nache iviraxata'agueta naqa'en naua lata'api na 'alhua.

Génesis 43:28

Nache soomaye qaltaq ỹa'alyiñi naua l-llecte, nache 'ena'apo': «Ñim qarta'a maye 'aramaxashec, ñimaye qaica ca dá. Ñaq nca'altauec.»

Génesis 41:32

Qaq 'am nta'a, dos co'ollaxa soua 'archoxonaxaco maye 'eeta'a't, cha'aye Ñim Lo'onatac 'Enauacna mashe lhuennataxac da ỹo'ot de'era, qaq damaye saqaỹaloq da ỹo'ot.

Génesis 41:25

Nache so José ỹasateguet so faraón, 'eeta': «'Am nta'a, soua dos 'archoxonaxaco, soomaye 'eeta'a't da naigui. Ñim Lo'onatac 'Enauacna, 'am ỹaỹaanaxanaxanec da huotaique da ỹo'ot Ñimaye.

Génesis 37:10

Qaq so José, co'ollaq da'aqtaxanem so lta'a qataq soua lqaỹa't se'eso lchoxonaxac, nache so lta'a nlaxa somaye, 'eeta': «¿Negue't ca naigui se'eso 'archoxonaxac? ¿Peta'a isheto' da añi 'arate'e, qataq naua 'arqaỹa't, qataq aỹem, da 'am sa'aroqoto naua qarllecte da 'am ñatamnoqot?»

Génesis 37:8

Qaq huaña nache soua lqaỹa't 'ena'apo': «¿Damaye naigui peta'a da 'am qarta'a qome, qataq qomi' 'auamaqta'ape?» Qaq huaña, nache qaltaq ỹactec da qanquiỹa, souaxat so lchoxonaxac, qataq da 'eetec da la'aqtaxanaxac.

Génesis 20:3

Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Génesis 43:26

Qaq so José co'ollaq ivireua'a so lma', nache soomaye ỹanema som lachetaqtaxanaxa't maye ndotrai', nache ỹa'alyiñi naua l-llecte, qataq iviraxata'agueta naqa'en naua lata'pi na 'alhua.

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,