Génesis 37:8 - La'aqtaqa Ñim Lo'onatac 'Enauacna 2013

⁸ Qaq huaña nache soua lqaỹa't 'ena'apo': «¿Damaye naigui peta'a da 'am qarta'a qome, qataq qomi' 'auamaqta'ape?» Qaq huaña, nache qaltaq ỹactec da qanquiỹa, souaxat so lchoxonaxac, qataq da 'eetec da la'aqtaxanaxac.

Génesis 37:8 Referans Kwoze

Hechos 7:35

Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

1 Samuel 10:27

Qalaxaye sa qoue naxa nam shiỹaxauapi maye qauema naua la'aqtaqa, nache 'eetaco': «¿Qache nacheso' so qaỹauotaique da qomi' nca'alaxatrec se'eso?» Nache ỹataqta qaỹo'otaatac, qataq saishet da qaỹo'oxoren, qalaxaye so Saúl saishet da iqocha'a somayepi.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Lucas 20:17

Qalaxaye So Jesús ỹamataigui somayepi, nache 'eeta': –Qaq ¿hua'ago' ca 'eetec naua ñiyigui'she la'aqtaqa Ñim Lo'onatac 'Enauacna maye 'eeta'?: Som coma' maye ỹo'otan na nỹec lo'opi co'ollaxa, nacheso nagui som ỹe'eguelaxa da ỹataqta nhuenec da qaỹo'ot ca nỹec.

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Salmos 118:22

Qaq so coma' maye ỹo'otan co'ollaxa nam nỹec lo'opi, nacheso nagui som lo'oxonaxala' da huo'o ca qano'oxoosheguem.

1 Samuel 17:28

Qalaxaye so Eliab, som ỹe lqaỹa so David, somaye hua'aqchigui co'ollaxa so David da na'aqtaxaatague' se'eso ỹalleppi. Nache ỹataqta dalemataỹa somaye, nache 'eetego', 'eeta': «¿Negue't ca huo'omshe 'auanaicna'a? ¿Negue't ca 'aupataxaguet da ilo'ogue aca qaguetapi maye huetauga ye toolec 'alhua? Aỹem sauatton na 'annataxanaxacpi, qataq naua qauema 'arhuennataxaco, cha'aye 'auanac da choche 'anmeenaxaneuga da alaataxac.»

Éxodo 2:14

Nache se'eso hebreo le'ec 'enapeco': «¿Negue't ca 'am ỹanagui da 'am qarataxala' qataq da qomi' 'anmi't? ¿Qalqo' 'auauotaique da aỹem 'aualauat da 'eeta'am 'anqa'en so 'aualauat co'ollaxa Egipto le'ec?» Qaq co'ollaq hua'axaỹa de'era so Moisés, nache ỹataqta huo'o da lcolanaxa, cha'aye tachigui lauel da mashe ya'aqlec da l-leuaxa se'eso lalaatac Egipto le'ec.

Génesis 49:26

Na 'arta'a ỹactec da 'am ỹanem 'achecỹaxac, napacalec da 'achecỹaxac maye aỹem ỹanem co'ollaxa soua ita'al. Napacalec ca loga't ana qasoxonaxapi maye chochaq tatec, de'era 'achecỹaxac huetalec qome na lqaic da José, maye qalca'ateua'a chegoqtoigui na lqaỹañecpi.

Génesis 37:4

Qalaxaye soua lqaỹa't, co'ollaq nomalo da so lta'a ỹataqta lauotaxat somaye, saq 'ena'ama soomaye, nache ỹataqta nquiỹalo so José, ivitta'a da saishet da iqui'n.

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

Génesis 37:9

Qaq co'ollaq qaỹata'ague, nache so José qaltaq huo'o so lỹa lchoxonaxac, qaq nataqa'en da'aqtaxanema soua lqaỹa't, nache 'eeta': «Aỹem huo'o so lỹa ichoxonaxac, qaq se'eso ichoxonaxac selota'a aso nala', qataq so ca'agoxoic, qataq soua once huaqaañi, nache soomaye aỹem natameetracot.»

Génesis 42:10

Qalaxaye soomaye 'ena'apo': «¡'A'i, 'am qarataxala'! Qomi' maye qomi' 'aramaxa'she, ñanaguenaq da sesheenaxanaxa na trigo.

Génesis 44:18

Nache so Judá nquicot so José, nache 'enapega 'eeta': «'Am ñachoxonnot, 'am ỹataxala', da aỹem 'auasheetem da huo'o catai' ỹa'aqtacolec da 'am sesoxootot. Aỹem 'arqouaguec qome, saishet da aỹem 'aualemataỹa, cha'aye 'am nache qoneta'am ñi Faraón.

Génesis 50:18

Qaq huaña nache nvildeuo soua lqaỹa't nache ỹa'aldoto naua l-llecte somaye, iviraxata'agueta naua lata'api na 'alhua, nache 'ena'apo': «Nagui souaqta'a ne'ena. Qaq 'auauo'oi qomi' 'arlataqa.»

Deuteronómio 33:16

qataq da ỹataqta no'on alaỹaxac na 'alhua, qataq da sa qoue ana ala na nañiguishec, chegoqchigui da maiche 'eetapeguec Ñim netaigui co'ollaxa asotai' 'epaqole maye 'ettaigui. Nache 'enauac damaye talec naqa'en so José, som qaiỹotauga maye chegaqaigui so lqaỹañecpi.

1 Samuel 18:8

Qaq de'era ỹataqta sa ỹaỹamaxaren so Saúl, ỹoqo'oye dalemata, nache 'eeta': So David qaimatalec da qoỹeetega ỹalauat so diez mil ỹalleppi, qaq aỹem qalaq qoỹeetega mil souatai' salaua't. ¡Qaq nachaqrato' da ichiỹa'a da qoỹanagui da nta'a!