Génesis 37:7 - La'aqtaqa Ñim Lo'onatac 'Enauacna 2013

⁷ Aỹem sechoxootega da 'enauaque qomi' souaqtauga so no'onaxa, so'otaqtac aso qoraqtapi na trigo. Qaq nque'elaxatta da aso ỹaqta nachaañi, nache ỹashequitcheguem, qaq soua qoraqtalli' coleesopa asomaye, nache soomaye naqto'oto aso ỹaqta.»

Génesis 37:7 Referans Kwoze

Génesis 44:14

Qaq so Judá qataq soua lqaỹa't co'ollaq ivildeua'a so lma' so José, nache somaye ñaq hueta'a so lma'. Qaq huaña, nache soomaye ỹa'alyiñi naua l-llecte, nache iviraxata'agueta naqa'en naua lata'api na 'alhua.

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Génesis 43:26

Qaq so José co'ollaq ivireua'a so lma', nache soomaye ỹanema som lachetaqtaxanaxa't maye ndotrai', nache ỹa'alyiñi naua l-llecte, qataq iviraxata'agueta naqa'en naua lata'pi na 'alhua.

Génesis 42:9

Qaq huaña nache so José, tachigui lauel so lchoxonaxacpi co'ollaq dechoxootegalo soomaye, nache 'enapegalo 'eeta': «Qami' choche qami' nmeenaxanaxanaqa. Yo'oqta da choche qanmeenaxañiỹa ne'ena 'alhua da chaq hua'ague cam saishet da qanpaxattalec.»

Colosenses 1:18

Qataq So Cristo nacheso so ilotague' na ỹa'amaqten Somaye qataq ỹami' da lca'alaxa. Somaye nacheso so nqaic, qaq nam 'amqaanataxanaxaicpi qaq nachera da lo'ocỹaxac. So Cristo nacheso so la'auaxanec 'enauac nam huo'o. Qaq ỹoqo'oye nacheso so la'auaxanec da nca'aleeguesop da nleuaxa, da yaqto' nachaqsota 'oonolec Nataxala'.

Filipenses 2:10

yaqto' 'enauac qome ishet da ỹa'alyiñi naua l-llectel, nam hueto'ot na piguem, qataq nam huetalec ana 'alhua, qataq nam huetaueegue da laỹe na 'alhua,

Génesis 44:19

'Am qomi' 'aunatta'ape co'ollaxa soua lỹa't na'axa'te, da huo'o ca qarta'a qataq da huo'o ca lỹa qarqaỹa,

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

Génesis 37:6

Cha'aye so José 'enapeco': «Aỹem qana'axaỹaxañiỹa, qami' sa'aqtaxanema so ichoxonaxac.

Génesis 43:28

Nache soomaye qaltaq ỹa'alyiñi naua l-llecte, nache 'ena'apo': «Ñim qarta'a maye 'aramaxashec, ñimaye qaica ca dá. Ñaq nca'altauec.»

Génesis 44:18

Nache so Judá nquicot so José, nache 'enapega 'eeta': «'Am ñachoxonnot, 'am ỹataxala', da aỹem 'auasheetem da huo'o catai' ỹa'aqtacolec da 'am sesoxootot. Aỹem 'arqouaguec qome, saishet da aỹem 'aualemataỹa, cha'aye 'am nache qoneta'am ñi Faraón.

Génesis 50:18

Qaq huaña nache nvildeuo soua lqaỹa't nache ỹa'aldoto naua l-llecte somaye, iviraxata'agueta naua lata'api na 'alhua, nache 'ena'apo': «Nagui souaqta'a ne'ena. Qaq 'auauo'oi qomi' 'arlataqa.»