Génesis 37:4 - La'aqtaqa Ñim Lo'onatac 'Enauacna 2013

⁴ Qalaxaye soua lqaỹa't, co'ollaq nomalo da so lta'a ỹataqta lauotaxat somaye, saq 'ena'ama soomaye, nache ỹataqta nquiỹalo so José, ivitta'a da saishet da iqui'n.

Génesis 37:4 Referans Kwoze

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

1 Juan 4:20

Qaq da shenaqtega da sauotaxac Ñim Lo'onatac 'Enauacna, qalaxaye ñequiỹaqta'a't, nache qomi' tenataxanaxaiqa. Cha'aye da saishet da sauotaxac ca qarqaỹa maye seloqta'a, nache hua'aguectoxo' da ishet da sauotaxac Ñim Lo'onatac 'Enauacna maye saishet da selaqa'a.

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

1 Juan 2:11

Qalaxaye ca nquiỹa ca lqaỹa maye nataqa'en ỹa'amaqteetac So Cristo, nache camaye huetaigui na napalaxa, qataq sa ỹaỹaten ca tata'ague, cha'aye nam napalaxa saishet da nauaañi naqa'en camaye.

Salmos 69:4

Ỹataqta napacalec ye lcata na laue na iqaic na aỹem nquiỹatapega, ỹataqta qalota na choche aỹem npa'agueetega, nam huotaique da aỹem nlaxaañi, qaq ¿ca 'eeteco' da she'eguelaxat ca saishet da secachiỹa?

1 Samuel 17:28

Qalaxaye so Eliab, som ỹe lqaỹa so David, somaye hua'aqchigui co'ollaxa so David da na'aqtaxaatague' se'eso ỹalleppi. Nache ỹataqta dalemataỹa somaye, nache 'eetego', 'eeta': «¿Negue't ca huo'omshe 'auanaicna'a? ¿Negue't ca 'aupataxaguet da ilo'ogue aca qaguetapi maye huetauga ye toolec 'alhua? Aỹem sauatton na 'annataxanaxacpi, qataq naua qauema 'arhuennataxaco, cha'aye 'auanac da choche 'anmeenaxaneuga da alaataxac.»

Génesis 37:5

Qaq huo'o so na'a'q, nache so José huo'o so lchoxonaxac, nache da'aqtaxanema soua lqaỹa't. Qalaxaye soomaye nquictec da lquiỹaqa' somaye.

Génesis 4:5

qalaxaye saishet da 'eetec de'era da ỹamaateguet so Caín, ivira'a aso lachetaqtaxanaqte. Ỹoqo'oye so Caín ỹataqta dalemata, nache qauem naqa'en da lashiguiỹaxac.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Salmos 38:19

Na ñepa'aguenaxauapi qalaq nquictauec ye lcata, ỹataqta qalota na aỹem nquiỹatega, na'aictaxa da qaica ca sasouaxat.

Génesis 49:23

Na checnec lo'opi qalaq ỹataqta nquiỹa qome, nache ỹaỹiitalec aca lchecnapi, qataq nache 'eetai' qome da sa ỹalemaxat,

Génesis 37:11

Nache soua lqaỹa't somaye ỹataqta huo'o da lquiỹaqa', qalaxaye so lta'a ỹataqta deuennataxaatapeguelec de'era.

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Marcos 3:25

Qataq ca maiche nhuo' le'ecpi da huo'otaq maiche npa'aguena't, nache camayepi nataqa'en taỹa'a da nlaguiñi.