Génesis 37:3 - La'aqtaqa Ñim Lo'onatac 'Enauacna 2013

³ Qaq so Israel ỹataqta ỹactec da lauotaxat so José, saq 'ena'ama soua lỹa't llalqa, cha'aye somaye ñiguiñi co'ollaq mashe ỹa'axaiquiolec so Israel. Qaq ỹoqo'oye somaye ỹauo'o so ỹataqta ỹotta'a't da lo'oxoỹaxac lapo' so José.

Génesis 37:3 Referans Kwoze

2 Samuel 13:18

Nache so namaxashec ỹo'orauec co'ollaxa aso Tamar, ime nache ỹapochigui so lasom. Qaq aso Tamar ỹaatañi co'ollaxa aso ỹataqta 'onaxai lapoto, logorai naua lapique, cha'aye nache no'otaxac co'ollaxa ana llalpi na nta'a da ñaq saxanaxa da huaron.

Génesis 37:32

Qaq ime, nache ỹamaxalo so lta'a' se'eso npo', qataq ỹama'q so la'aqta'c, 'eeta': «Qomi' selaqalec ne'ena npo'. Ña 'auchemaxata qome, sa iuena'a da huo'otaq nachena na lapo' ca 'aỹa'alec, huo'otaq ỹaqa'a.»

Génesis 37:23

Qalaxaye so José co'ollaq ivita som huetra'a soua lqaỹa't, nache soomaye nquemoxonot somaye, nache nqa't so lapo' maye ỹaatañi,

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Ezequiel 16:16

Qataq 'auo'onataxana aso 'arpoto da 'auo'ot na 'arpe'lpi 'aỹa'analec ana lcomaraxalatepi da 'avio'oxoren na ỹaqa'a atamnaqa'pi, qataq nache huaña da 'anquishestague' namayepi. Qaq saỹauano' da qaỹauaachigui co'ollaxa ca 'ena'am de'era.

Jueces 5:30

‹Souaxai' ncolaxattapigui ca lhuotaxanaxatpi maye laueguec huaigui se'eso alaataxac. Nache ñi 'oonolec cam alaataxaicpi ỹacona aca 'oonole huo'otaq dos ca qa'ampi maye nlatapi, qaq ca Sísara qalaq souaxai' taỹot cam no'on da lo'oxoỹaxa'c npotoyec: qataq 'oonolec huo'otaq dos caua no'oxonqa maye ỹotta'a't da lo'oxoỹaxac, da yaqto' llo'oxoraxat na lqosot ca huegaxanaxaic.›

Génesis 37:31

Nache soomaye ỹacoora so lapo' so José. Ime, qaq ỹalaua't so quetaq llalec, nache so ltago'q somaye ỹa'amñigui se'eso npo'.