Génesis 37:21 - La'aqtaqa Ñim Lo'onatac 'Enauacna 2013

²¹ Qaq so Rubén co'ollaq hua'axaỹa de'era, nache huotaique da nca'alaxatec so lqaỹa. Nache 'enapeco': «'A'i, saishet qome da salauataq namaye.

Génesis 37:21 Referans Kwoze

Génesis 42:22

Nache so Rubén 'enapeco': «Aỹem qami' sheetegalo mque' caillaye da saishet da huo'o ca qoñiỹa'ac so nsoqolec, qalaxaye qami' saishet da aỹem qaualaqaiguet. Qaq nagui iuen da qomi' sesheetenaq da l-leuaxa somaye.»

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Josué 10:28

Qataq nacheso se'eso na'a'q, da so Josué deuotaxanec so huaqta'a't nỹecpi ye Maceda, nache 'enauac da ilaxachigui, qataq damaxasoxoolec da imauec qaỹalauat so lma' yemaye, qairota'a so ỹeelonec, qataq ỹataqta qaica ca qano'onaxatañi da qanca'alaxattauec. Qaq so nta'a ye Maceda nache ỹe'enaxatchigui da 'eetec co'ollaq ỹalauat so nta'a ye Jericó.

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 9:5

Aỹem qami' sevitaqna'agueta naua ltago'q ca shiỹaxaua qataq ca shiguiỹac. Cha'aye ñi 'oonolec shiỹaxaua senat qome, ca 'eetec naqa'en da nachaalataxac ca 'eeta'am lỹa.

Génesis 37:22

Saishet qome da qaucolyiiue'c naua ltago'q. Nacherata da qauasaqaiñigui añi nshere, maye naña ne'ena toolec 'alhua, qalaxaye saishet da huo'o ca qoñiỹa'ac.» Qaq so Rubén 'enapec co'ollaxa de'era, cha'aye huotaique da nca'alaxatec so José, da yaqto' ỹe'eguelaxata so lma' so lta'a.