Génesis 36:9 - La'aqtaqa Ñim Lo'onatac 'Enauacna 2013

⁹ Qaq 'esoua soua chegoxogueta so Esaú, som chegoxogueta na Edom le'ecpi maye netalec co'ollaxa ye 'alhua qasoxonaxasat ye Seir.

Génesis 36:9 Referans Kwoze

Génesis 19:37

Qaq asom ỹe, huo'o co'ollaxa so llalec, nache ỹanagui da le'enaxat Moab. Qaq nacheso so lta'a nam ñaq huo'o nagui moabiitapi.

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 36:10

Qaq 'ena nam le'enaxatpi so llalaqpi so Esaú: So Elifaz late'e aso Ada, qaq so Reuel late'e aso Basemat.

1 Crónicas 4:42

Qataq som quinientos nalleppi somayepi, som chegoxoguetpi so Simeón, jec taỹa añi qasoxonaxa maye naña ye Seír, qaq soua lataxala'ate somayepi Pelatías, Nearías, Rafaías qataq so Uziel, maye llalqa so Isí,

Génesis 32:4

Qaq ỹanema soomaye da la'aqtac, maye, 'eeta': «Qaua'aqtaxañim qome ca ỹaqaỹa Esaú, qoñiita': Ñi 'arqaỹa Jacob, 'am nañanot da 'am ỹalaxaguet, qaq ỹoqo'oye 'am namaxa da la'aqtac maye, 'eeta': Aỹem sootaña ye lma' ñi Labán 'enauaque se'esoua vi'iye,

Génesis 36:43

Magdiel qataq Iram. Qaq 'ena na le'enaxatpi so nataxala'pi ye Edom. Ñi 'oonolec somayepi ỹataqtac na maiche lalamaxat lma', maye netalec. Qaq so Edom nacheso so Esaú, som chegoxoguet som Edom le'ecpi.

Deuteronómio 2:5

qaq yemayepi saishet qome da qauloquiaxañi, cha'aye saishet da qami' saarema catai' qapio'olec maye lcata'am ca napia' lliguiñi yem na'alhua yemayepi, cha'aye aya'aye qasoxonaxapi ye Seír, ayemaye lalamaqte so chegoxoguetpi so Esaú. Qataq Aỹem sami' co'ollaxa yemayepi.

Josué 24:4

qaq so Isaac, sanem co'ollaxa da dos soua llalqa, Jacob qataq so Esaú. Nache so Esaú, sanem ye 'alhua maye huaigui aye qasoxonaxapi ye Seír, qaq so Jacob, qataq so llalaqpi, taỹa co'ollaxa ye Egipto da yaqto' naña.

Abdías 1:1

Da lauanaqchec so Abdías, maye chegoqo'ot Ñim Nataxala' maye ỹa'axata'a da 'eetec qome da taỹa'a ye Edom. Qomi' sa'axasoqchigui so la'aqtaxanaxanec Ñim Nataxala', 'eeta' huo'o so namaxashec maye taỹa na ỹotta'a't shiỹaxauapi da da'aqtaxanem da na'aqtac maye, 'eeta': «¡Qolaq! ¡Ñeqo'onaxa ye Edom le'ecpi nache ñalaataxai'!