Génesis 36:8 - La'aqtaqa Ñim Lo'onatac 'Enauacna 2013

⁸ Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 36:8 Referans Kwoze

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Malaquías 1:3

qaq so Esaú qalaq saishet da sauotec. Ỹoqo'oye yem na'alhua so Esaú maye qasoxonaxasat, ỹe'eguelaxa ñaqa'en da ỹataqta toolec, qaq nam lalamaxat 'alhuapi qalaq saneguet da netalec nam huauec shiguiỹacpi.

2 Crónicas 20:23

Qaq cha'aye so amoniitapi qataq so moabiitapi, iloquiaxan so lma' añi qasoxonaxa Seír, nache nmatchiguiñi da ỹalauat, qaq co'ollaq mashe nmichiguiñi naqa'en somayepi, nache somayepi qaltaq maiche taỹa't da nalaara't.

2 Crónicas 20:10

Qaq nagui, ña 'aula'a na amoniitapi, qataq na moabiitapi, qataq nam chegaqa'a añi qasoxonaxa ye Seír, maye sa 'auashenem co'ollaxa na Israel le'ecpi da ỹa'axasoxoolec ye na'alhua namayepi, co'ollaq chegaqa'a ye Egipto, maye nacherata da huaỹoxolec 'anqa'en da yaqto' saishet da nlaxaañi.

1 Crónicas 4:42

Qataq som quinientos nalleppi somayepi, som chegoxoguetpi so Simeón, jec taỹa añi qasoxonaxa maye naña ye Seír, qaq soua lataxala'ate somayepi Pelatías, Nearías, Rafaías qataq so Uziel, maye llalqa so Isí,

Josué 24:4

qaq so Isaac, sanem co'ollaxa da dos soua llalqa, Jacob qataq so Esaú. Nache so Esaú, sanem ye 'alhua maye huaigui aye qasoxonaxapi ye Seír, qaq so Jacob, qataq so llalaqpi, taỹa co'ollaxa ye Egipto da yaqto' naña.

Deuteronómio 2:5

qaq yemayepi saishet qome da qauloquiaxañi, cha'aye saishet da qami' saarema catai' qapio'olec maye lcata'am ca napia' lliguiñi yem na'alhua yemayepi, cha'aye aya'aye qasoxonaxapi ye Seír, ayemaye lalamaqte so chegoxoguetpi so Esaú. Qataq Aỹem sami' co'ollaxa yemayepi.

Génesis 36:1

Qaq 'esoua soua chegoxogueta so Esaú, som nataqa'en le'enaxat da Edom.

Génesis 14:6

qaq so horeopi qalaq loxonec co'ollaq huaña aye qasoxonaxapi ye Seir, qataq icaatac co'ollaxa iviraxatta'a ye ca'amegue ye Parán, maye huaqta'ai' yem toolec 'alhua.

Génesis 36:9

Qaq 'esoua soua chegoxogueta so Esaú, som chegoxogueta na Edom le'ecpi maye netalec co'ollaxa ye 'alhua qasoxonaxasat ye Seir.

Deuteronómio 2:4

Qalaxaye qonapega qome na nhuo' le'ecpi qoneta': Qoquiitelec qome ye lalamaxat na'alhua yem chegoxoguetpi so Esaú, maye naña ye Seír, cha'aye maiche qarhuo'oi le'ecpi, qalaxaye yemayepi qome qami' ñe'eta'agueta, qalaxaye maxatchaxa qome,

Deuteronómio 2:22

Qaq nache 'eetec co'ollaxa Ñim Nataxala' da ỹanem da la'añaxac som chegoxoguetpi so Esaú maye netaña ye Seír da nmatchiguiñi so horeopi da yaqto' nalec yi'iye na'alhua somayepi.

Jeremías 40:11

Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.

Génesis 25:30

Nache 'enapego' so Jacob, 'eeta': «Ñaq aỹem 'arqouaguec da aỹem 'aỹa'anem, catai' saq 'amaqtaq laỹolec de'era 'arhuoshec togaxaraic maye deqaqchigui, cha'aye aỹem huotaique da selem na ỹoqouaxa.» Qaq ỹoqo'oye so Esaú, qaỹaỹaten nataqa'en da le'enaxat da Edom.

Génesis 32:4

Qaq ỹanema soomaye da la'aqtac, maye, 'eeta': «Qaua'aqtaxañim qome ca ỹaqaỹa Esaú, qoñiita': Ñi 'arqaỹa Jacob, 'am nañanot da 'am ỹalaxaguet, qaq ỹoqo'oye 'am namaxa da la'aqtac maye, 'eeta': Aỹem sootaña ye lma' ñi Labán 'enauaque se'esoua vi'iye,

Génesis 36:43

Magdiel qataq Iram. Qaq 'ena na le'enaxatpi so nataxala'pi ye Edom. Ñi 'oonolec somayepi ỹataqtac na maiche lalamaxat lma', maye netalec. Qaq so Edom nacheso so Esaú, som chegoxoguet som Edom le'ecpi.

1 Samuel 14:47

Qaq 'era da 'eetec so Saúl co'ollaq mashe lta'a so Israel le'ecpi, nache 'enauaque naua pa'aiguelo naua nma'ate da deloctague' so mpa'aguenaxauapi maye lma' co'ollaxa ye Moab, Amón, Edom, qataq so nta'a ye Soba, qataq so lta'a so filisteopi, qaq nache camachaqca ca nqo'ona somayepi nache loxonec.

Abdías 1:1

Da lauanaqchec so Abdías, maye chegoqo'ot Ñim Nataxala' maye ỹa'axata'a da 'eetec qome da taỹa'a ye Edom. Qomi' sa'axasoqchigui so la'aqtaxanaxanec Ñim Nataxala', 'eeta' huo'o so namaxashec maye taỹa na ỹotta'a't shiỹaxauapi da da'aqtaxanem da na'aqtac maye, 'eeta': «¡Qolaq! ¡Ñeqo'onaxa ye Edom le'ecpi nache ñalaataxai'!

Abdías 1:3

Qaq dam 'ana'amqaanaxac, ỹataqta 'am ỹatenachet. 'Am maye qonetaigui nam lpoxoỹaxapi ana coma'pi, qataq qonetasheguema nam qaỹoqotcheguemapi, ỹoqo'oye 'aupi'itaxaatega da qaica ca ishet da 'am iqalagoxotec.