Génesis 36:3 - La'aqtaqa Ñim Lo'onatac 'Enauacna 2013

³ Qataq aso Basemat asom llale so Ismael maye lqaỹa so Nebayot.

Génesis 36:3 Referans Kwoze

Génesis 28:9

Qaq ỹoqo'oye jec da nqo'ona so Ismael som llalec so Abraham, nache huaroneguet aso llale somaye, asom le'enaxat Majalat, maye lqaỹa so Nebayot. Qaq na'aictaxa da mashe huo'oi soua lhua't, maye lma' ye Canaán.

Génesis 25:13

Qaq 'enaua naua le'enaqa'ate soua llalqa so Ismael, da naneraguec chegoqchiguiña qanqa'en so ỹe llalec: Nebayot, Cedar, Adbel, Mibsán,

Génesis 26:34

Qaq so Esaú co'ollaq ivi' soua cuarenta vi'iye da nachaalataxac, nache huaroneguet aso Judit asom llale so Beri maye hitiita. Qataq nataqa'en huaroneguet aso Basemat asom llale so Elón maye nataqa'en hitiita.

Génesis 36:2

So Esaú huaronegueta co'ollaxa soua 'alo maye lma' ye Canaán: aso Ada maye llale so Elón som hitita, qataq aso Aholibama asom llale so Aná maye llalec so Sibón som jivita.

Génesis 36:4

Qaq aso Ada, co'ollaq deco'oiguet so Esaú, nache so llalec le'enaxat Elifaz. Qaq so llalec aso Basemat qalaq le'enaxat da Reuel.

Génesis 36:10

Qaq 'ena nam le'enaxatpi so llalaqpi so Esaú: So Elifaz late'e aso Ada, qaq so Reuel late'e aso Basemat.