Génesis 36:1 - La'aqtaqa Ñim Lo'onatac 'Enauacna 2013

¹ Qaq 'esoua soua chegoxogueta so Esaú, som nataqa'en le'enaxat da Edom.

Génesis 36:1 Referans Kwoze

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

1 Crónicas 1:35

Qaq soua llalqa so Esaú le'enaxa't Elifaz, Reuel, Jeúz, Jaalam qataq so Coré.

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Ezequiel 25:12

Aỹem Nataxala' shenapec: Ye Edom ỹauo'o co'ollaxa da lvi' da ỹe'eguelaxateguet ye Judá, qaq damaye nachera da ỹo'ot da lta'araic lasouaxashet.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

1 Samuel 14:47

Qaq 'era da 'eetec so Saúl co'ollaq mashe lta'a so Israel le'ecpi, nache 'enauaque naua pa'aiguelo naua nma'ate da deloctague' so mpa'aguenaxauapi maye lma' co'ollaxa ye Moab, Amón, Edom, qataq so nta'a ye Soba, qataq so lta'a so filisteopi, qaq nache camachaqca ca nqo'ona somayepi nache loxonec.