Génesis 34:7 - La'aqtaqa Ñim Lo'onatac 'Enauacna 2013

⁷ Qaq co'ollaq nvildeuo soua llalqa so Jacob chegoqtrauga so no'onaxa, nache co'ollaq ỹaỹate'n da qanayeuaigui, nache soomaye ỹataqta dalematai'. Cha'aye damaye ỹo'ot da ỹataqta lta'araic ne'enaguec so Israel, da so Siquén lauañe' co'ollaxa aso llale so Jacob. ¡Damaye ỹataqta sa qaishetapec da qaỹo'ot!

Génesis 34:7 Referans Kwoze

Jueces 20:6

Huaña, nache aỹem sacoosop so lo'ocỹaxac, nache ñipilliguiñi, nache naua laỹelolqa asomaye samaxa 'enauac nam 'alhuapi maye netaña na Israel le'ecpi yaqto' 'enauac ne'ena Israel da qaỹaỹaten de'era nalaataxanaxac maye qaica ca 'ena'am da qataq ỹataqta qauem.

Josué 7:15

Nache ca hueto'ot que'eca nhuotaxanaxat maye qoỹan da yaqto' qailaxachigui, camaye nacheca qome ca qaỹavigaxat, lỹaueegue' 'enauac ca llalaqpi qataq 'enauac ca lalamaxatpi, souaxat da ỹo'otec da la'aloxo na Israel le'ecpi, qataq souaxat da sa ỹalaxalec da naỹamaxataxac Ñim Nataxala'.»

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Génesis 20:9

Qaq ime co'ollaxa, nache so Abimelec iỹaxaneuga so Abraham, nache 'enapega, 'eeta': «¡Ña 'aula'a dam qomi' 'auo'oteque! ¿Negue't cam 'am so'otec qauem da yaqto' aỹem 'auasaxalec da lta'araic ỹasouaxashet, qataq na selotague' shiỹaxauapi? De'era aỹem 'auo'otec, damaye saỹaỹamaxañi.»

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Efesios 5:3

Qaq cha'aye qami' lalamaqa'ate Ñim Lo'onatac 'Enauacna, ỹoqo'oye no'on da saishet da qami' chemaxanguilo da huo'o ca quisheguetaxac qataq 'enauac nam laỹepi maye ishet da deshepaxanaqtaxan, huo'otaq da qaiqopita'a ca ỹaqa'a.

1 Corintios 10:8

Nataqa'en saishet da saxaigui da quisheguetaxac, 'eeta'am da 'eetec somayepi. Qaq ỹoqo'oye ileu so veintitrés mil shiỹaxauapi so 'oonolec na'a'q.

1 Corintios 6:18

Ỹoqo'oye saishet da qoquiitaigui da qarquisheguetaxaqui. Na laỹepi sa ỹaỹamaxañi maye ishet da ỹo'ot ca shiỹaxaua, namayepi saishet da na'aqchet da lo'ocỹaxac. Qalaxaye cam quetaigui da lquisheguetaxac, camaye maiche na'aqchet da lalamaxat lo'ocỹaxac.

Proverbios 7:7

nache selota'a so nsoxoppi maye qaica ca ỹaỹaana'a, qaq somayepi huo'o so 'oonolec ỹataqta qaica ca ỹaỹaana'a.

Salmos 93:5

'Am Nataxala', naua 'aramaxasoxonaxaco ỹataqta sa deraỹai'salo, qataq da qui'itta 'arataxac nachera da tatec llo'oxoraxat añi atamnaxaqui maye 'aralamaqte.

2 Samuel 13:21

Qaq so nta'a David, co'ollaq la'axaỹaxac de'era, nache ỹataqta dalemata, qalaxaye saishet da ỹauo'o ca nhuaxanaguec so Amnón, cha'aye la'auaxanec llalec qataq ỹataqta lauotaxat.

Deuteronómio 23:17

Qataq saishet qome da huo'o ca ỹale, qataq 'alo na Israel le'ecpi da nquisheshigui da la'amqaanataxanaxac.

Levítico 4:27

Da huo'o ca 'oonolec ne'ena Israel le'ecpi da sa nanoma da huo'o ca npe'eelec nam lamaxasoxonaxacpi Ñim Nataxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Levítico 4:13

Qaq da huo'otaq 'enauac na ỹalecta'a't Israel le'ecpi da huo'o ca npe'enaxac, qataq sa nanoma da ỹo'ot cam sa qaỹashen da qaỹo'ot, nache namayepi huo'o da lasouaxashet, cha'aye saishet da ỹalaxaguet na lqataxacpi Ñim Nataxala'.

Levítico 4:2

«Qonapega qome na Israel le'ecpi da huo'o ca shiỹaxaua da sa nanoma da npe'eelec camachaqca nam lamaxasoxonaxacpi Ñim Nataxala' qataq da ỹo'ot ca sa qaỹashen, nache 'era qome da qoỹeetec:

Génesis 46:7

Qataq 'enauac so llalaqpi qataq aso llalpi, qataq so laualpi ỹalleppi qataq 'alpi, da lỹatec somaye.

1 Timoteo 5:13

Qataq ishet da taỹa da tateua'alo naua nma'ate, choche ivitta'a da qaica ca ỹo'ot. Qataq huo'o ana nataqa'en taỹa da na'aqtaqa lo'o' qataq camachaqca qataq tategueua'a, qataq sa ilo'oguelo naua la'aqtaqa.

Colosenses 3:5

Qaq ỹoqo'oye qami' iuen da ileu qanqa'eñi da qarqopitaxanaqtaiqui maye qauem. Qaica qome ca huetapeeguet aca sa lhua, qataq saishet qome da sa qanaỹamaxachiỹapec, qataq qanlliỹañi qome da qauem qarqopitaxanaqtaiqui, qataq saishet qome da choche qanmichiita'a da choche qalaỹoñiitasheguem ana qo'omi, cha'aye damaye 'eeta'am da qanatameetacot na ne'enaqtacpi maye saq 'en.

Génesis 34:6

Qaq som Jamor, som lta'a so Siquén jec da nqo'ona so Jacob da yaqto' detaxaỹapegue'.

Génesis 34:8

Qalaxaye so Jamor detaxaỹapegueto soomaye, nache 'eeta': «Ñi ỹalec Siquén ỹataqta nqopita añi qarqaỹai, ñaq qauashiñiitem ctaxa añimaye, da huaroneguet ñimaye

Deuteronómio 22:20

Qalaxaye da 'eesa da mashe nache 'eetai' da ỹauana na ỹale aca'aca qa'añole,

Jeremías 29:23

Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»